Monthly Archives: November 2021

Македонија

СЗО за здравството во Македонија: Трошоците за приватно лекување се КАТАСТРОФАЛНИ!

Околу четири проценти од домаќинствата во Македонија западнале во сиромаштија или во подлабока сиромаштија по приватни плаќања, а 6,5 отсто од домаќинствата имале катастрофални трошоци за здравствена заштита во 2018 година, се вели во најновата анализа за финансиска заштита во македонскиот здравствен систем, спроведена од Светската здравствена организација (СЗО).

– Добро е да се види дека состојбата со пристапот и финансиската заштита се подобрувала пред пандемијата. Сепак, наодите од извештајот покажуваат дека овие теми заслужуваат повеќе внимание во заложбите на Северна Македонија да создаде подобар систем од оној пред кризата, рече д-р Џихан Тавила, претставникот на СЗО во Северна Македонија.

Финансиските тешкотии поради формални и неформални приватни плаќања се одраз на постојаните празнини во опфатот со здравствена заштита: дел од населението е неосигурено; опфатот со лекови е ограничен; а заштитата од кориснички трошоци (партиципација) е недоволна. Покрај тоа, уделот на јавните расходи за здравствена заштита во БДП опаѓа.

Според анализата, се проценува дека околу 10 отсто од населението немало здравствено осигурување во 2018 година, а тоа значи дека единствено имаат право на јавно финансирана итна медицинска помош и задолжителна вакцинација. Неосигурените лица се најчесто луѓе без редовен работен однос и вработени на кои не им се исплаќаат платите навреме.

Новиот извештај дава серија препораки за подобрување на пристапот до здравствена заштита и финансиската заштита во Северна Македонија.

– Да се опфати целото население со прекинување на врската помеѓу правото на здравствена заштита и плаќањето придонеси за здравствено осигурување, така што пристапот до здравствена заштита повеќе нема да зависи од здравственото осигурување, да се направат лековите подостапни за луѓето преку стратешки набавки, редовно ажурирање на позитивната листа, ослободување на повеќе луѓе со ниски приходи од кориснички трошоци (партиципација) и проширување на годишното ограничување на партиципацијата на сите видови партиципација и да се отстранат причините за неформални плаќања, почнувајќи со подобро следење на нивната улога и големина, стои во извештајот.

Приказни

,,САМО ГОСПОД ГО ЧУВАЛ СИН МИ“: Татко раскажува како неговиот син влегол во друг автобус и ја избегнал стравичната несреќа

Џафер Долек бил дел од групата која се враќала од Турција со агенцијата „Беса Транс“ и требало да се вози со автобусот кој изгоре на автопатот „Струма“, но неговите куфери се нашле во погрешен автобус и тоа му го спасило животот.

Хотелскиот персонал, наместо во автобусот кој доживеа несреќа, ги ставил куферите на Долек во друг автобус. Откако тој ја увидел грешката, побарал багажот да му биде вратен во првиот автобус, но лице од агенцијата му рекло да влезе во истиот бидејќи и во него има место.

Ова за „Сител“ го раскажа таткото на Џафер, кој вели дека Господ го чувал неговиот син. Тој за несреќата разбрал откако се видел со синот, кој безбедно пристигнал во Скопје, и му кажал дека другиот автобус направил несреќа и дека има жртви.

Бугарските истражни органи денеска соопштија дека во остатоците од автобусот се пронајдени 44 трупови од жртви. Тие велат дека добиле информација дека во автобусот патувале 52 патници, а во болница се лекуваат 7 лица. За нив останува нејасно каде е уште едниот патник кој бил регистриран дека е во автобусот

Македонија

Македонската царина НЕ ЗНАЕ колку од ПАТНИЦИТЕ од сите четири автобуси СЕ ВРАТИЛЕ во Македонија

„До овој момент македонската царина не знае колку патници се вратиле во земјава од патувањето во Истанбул. Од царина денеска ни одговорија дека нивниот сектор за внатрешна контрола деновиве има премногу работа и се уште не може да обезбеди податок за тоа колку патници имало во трите автобуси кои стигнаа во Македонија од патувањето во Истанбул“, вели репортерката на телевизија Сител во централниот дневник.

Телевизијата Сител денеска праша во македонска царина колку патници имало во автобусите на излез и колку патници се вратени. И затоа додека нема податоци за влез, телевизија Сител добила конкретни податоци за тоа колку луѓе излегле од земјава, но и во тие податоци има шокантни информации.


„Во кобниот автобус имало 51 патник и еден возач. Во вториот автобус имало двајца возачи и 51 патник. Во другите два автобуси, во едниот 54 патници, а во другиот 40 патници, и во двата автобуси имало по двајца возачи. Она што е шокантно за овие два автобуси е тоа дека во евидентните листови кои што постојат во царина кои што возачите ги доставиле има само рачно напишан список со пенкало, со имиња и презимиња на патниците кои што се наоѓаат во автобусот. Во тие евидентни листови нема печат, нема број, нема датум, нема регистарски ознака и нема релација каде ќе патуваат овие луѓе. Исто така од царина не добивме одговор на прашањето дали податоците кои што ги имаат тие за излез и за влез во земјава се совпаѓаат со податоците на нивните турски и бугарски колеги“, рече репортерката на телевизија Сител во централниот дневник.


Казната ќе биде согласно законите, така пишува во одговорот што го доби телевизија Сител од царина. А, тоа значи дека засега вработените кои што биле на смена на 18-ти ноември се суспендирани од работа и тече дисциплинската постапка. А, по завршување на дисциплинската постапка ќе се знае и казната која што како нагласи царина ќе биде согласно законите во земјава.


„Документацијата на „Беса транс“ за претходниот еден месец според одговорот на царина се проверува и тоа е дел од истрагата. Исто само да напоменам дека прашавме дали во овој случај затоа што има редица недоследности кај цариниските службеници кои што биле на смена од тоа дека нема извод од лиценцата во автобусот, дека во другите два автобуси нема списоци со патници со печат и регистарски број туку само со пенкало рачно напишани имиња и презимиња, со оглед на ваквите пропусти прашавме дали во случајот има само превид или мириса на корупција. Ни беше одговорено дека е направен превид и дека се работи за грешка за која што ќе има санкција, но корупција не може да се утврди“, појасни репортерката на телевизија Сител во централниот дневник.

Балкан

За пари во име на други луѓе, примил 23 ВАКЦИНИ против Ковид-19

Еден Словенец примил 23 вакцини против Ковид-19, што е рекорден број.

Зад неговиот рекорд не стои страв од инфекции, туку тој примал вакцини во име на други луѓе.

За примање на вакцина против Ковид-19 во Словенија е доволно да се покаже картичката за здравствено осигурување, на која нема фотографија.

Тоа не е единствен случај, според порталот Свет 24, друг Словенец шестпати се имунизирал.

Забава

Во божиќна реклама во Норвешка Дедо Мраз претставен како хомосексуалец (ВИДЕО)

Божиќната реклама за норвешката поштенска служба „Постен“ предизвикува бурни реакции на социјалните мрежи во Норвешка, но и ширум светот, бидејќи во неа Дедо Мраз е прикажан како хомосексуалец.

Видеото ја прикажува љубовната приказна на Дедо Мраз и маж по име Хари, која започнува со запознавање, разменување љубовни пораки и завршува со бакнеж.

Поводот за ваквата рекламата и кампања е јубилејот 50 години декриминализација на хомосексуалноста во Норвешка.

Македонија

Од утре прекин на железничкиот сообраќај поради неисплатена плата на вработените

Железничкиот сообраќај од утре во 7 часот ќе биде во прекин поради неисплатен втор дел од платата за октомври, најавија претседателите на синдикатите на машинскиот и извршен персонал во Железници на РСМ Транспорт, Тони Димовски и Душко Чакаровски.

Како што изјави Чакаровски за МИА, со овој чекор всушност се реализира нивната најава за прекин на работата доколку до 25-ти во месецот не им биде исплатен вториот дел од платата за претходниот месец.

Машинскиот и извршниот персонал во Железницата го прекинаа железничкиот и товарниот сообраќај и на 1 ноември, поради неисплатен втор дел од септемврриската плата. По исплатата наредниот ден ја прекинаа блокадата, но до раководството на железничкото претпријатие доставија одлука дека доколку до 25-ти во месецот не им биде исплатена целосно платата за претходниот месец, повторно ќе ја бојкотираат работата од 7 часот наредниот ден.

Во одлуката е наведено и надоместот за материјални трошоци да се исплаќа најдоцна до 10-ти во месецот, како и дека во спротивно, нема да работат веќе од наредниот ден. 

Македонија

ДВАЈЦА ПОЛИЦАЈЦИ меѓу настраданите во несреќата во Бугарија

Алсат од извори во полицијата ексклузивно дознава дека меѓу 44-те жртви во трагичната несреќа во Бугарија има и двајца полицајци.

Според информациите од членовите на семејството, станува збор за Енис Раманоски, заменик командир на полицијата во Дебар и Саде Мустафоски, полициски службеник на граничниот премин „Блат“ со Република Албанија.

Членовите на семејството објавија фотографии на социјалните мрежи со кои потврдуваат дека меѓу жртвите во трагедијата на 23 ноември се и Мустафоски и Раманоски.

Информацијата ја потврдија и полициски извори, кои додадоа дека треба да се почека вештачењето на бугарските власти за официјална потврда.

Македонија

КАДРИ МЕМЕДИ бил ВТОРИОТ ВОЗАЧ на автобусот: Бил шофер повеќе од 20 години

Името на вториот возач на опожарениот автобус на автопатот Струма е Кадри Мемеди. Неговиот син Бесар ексклузивно за БНТ изјави дека телото на неговиот татко било пронајдено во одделот за спиење. Не возел, но не е потврдено. Синот пристигнал во Бугарија за да го препознае телото, а потоасе вратил дома.

Неговиот татко имал 54 години, со над 20 години искуство. Често патувал во Германија и во Турција и одлично ги знаел рутите. Автобусот бил технички исправен, вели неговиот син.

Бесар тврди дека „Беса Транс“ има сервис и во Турција. Неговиот татко заминал во четвртокот, а во петокот веќе бил во Турција.

Кадри во петокот оттаму му се јавил на синот. Во автобусот не дозволувал патници со опасен багаж – ниту со пиротехнички средства, ниту со гориво. Автобусите беа стари 3 години и технички исправни.

Од списокот на преживеани во несреќата, според Бесар, кој не е на списокот за патници на „Беса транс“ стои името – Шади Науфал Салех.

Видео

Македонија

УАПСЕНО едно лице во Софија – објавувал коментари на Фејсбук поврзани со несреќата

Дваесет и четиригодишен маж е уапсен во Софија поради коментари за трагедијата на автопатот Струма на Фејсбук, се вели во официјалното соопштение од бугарското  МВР.

Младиот човек бил приведен на територијата на Софија од полициските службеници по добиен сигнал. Според податоците, тој досега на Фејсбук објавил коментари поврзани со трагичната несреќа со патничкиот автобус на автопатот Струма, кои не се во согласност со моралните и етичките норми.

Материјалите се пријавени во Окружното обвинителство на Софија за кривично дело од чл. 162 од Кривичниот законик – проповедање на омраза врз основа на националност преку информациски систем.

Дали станува збор за постот кој беше објавен пред два дена нема информации.

Македонија

Сарафов: Жртвите умреле од задушување

– Аутопсиите покажуваат дека сите загинати починале од задушување, а не од ударот. Тоа значи дека биле живи во моментот на пожарот. Конечна проценка за причините за несреќата ќе треба да дадат финалните анализи, но водечка верзија во овој момент е човечка грешка – како причина за несреќата, изјави на денешната прес-конференција бугарскиот заменик главен обвинител и директор на Националната истражна служба Борислав Сарафов.

Сарафов посочи дека продолжуваат испитувањата и анализите на автобусот, кои треба да дадат одговор за причините и начинот на избувнување на пожарот, како и за сообраќајната анализа за причините за кои автобусот ја напуштил патеката на движење. Изнесувајќи ги собраните до моментот информации, Сарафов, нагласи дека во медиумите гледа доста шпекулации и псевдо експерти, но дека иако по емисиите може да се видат 15 или 20 очевидци, всушност очевидци на настанот нема ниту еден.

– Прво испрашни се двајца од патниците во автобусот, кои биле будни во моментот на несреќата. Двајцата даваат објективни информации, испитани се поединечно и исказите им се совпаѓаат, поради што ги земаме за исклучително точни. Денеска се испитуваат и двајца други кои се во болница, изјави Сарафов. Разгледани се, но категорично се отфрлени, рече Сарафов, и верзиите за терористички акт и туби со нафта, како можни причини за несреќата.

– Пронајдени се три туби. Трите труби не биле полни и не се запалени. Пожарот не избувнал од нив. Верзијата за терористички акт е професионално разгледана и земени се анализи од автобусот за постоење на терористички акт. Категорично ги отфрламе тие верзии. Не станува збор за терористички акт, изјави Сарафов. Екипа од обвинителството утре заминува за Скопје за подигање на изработените ДНК профили од роднини на настраданите, кои потоа ќе се искористат за идентификување на починатите. Потоа, нагласи Сарафов, ќе може телата на жртвите да им се предадат на нивните семејства.