Monthly Archives: January 2023

Македонија

Еве што пишувало на саркофагот на Делчев: Ги заколнуваме поколенијата што доаѓаат…

Gallery

Ѓеорги (Гоце) Делчев е роден на 23 јануари (4 февруари, нов стил), 1872 во Кукуш, Егејска Македонија, како прво машко дете, на бројната и угледна фамилија Делчеви, загина на – 4 мај 1903 г.

Неговите родители биле добро ситуирани и едно од најстарите семејства во Кукуш. Татко му Никола Делчев бил кукушанец, а мајка му Султана Нурџиева потекнува од блиското село Мурарци. Како плод на овој брак се родиле десет деца – шест ќерки и четири сина. (Тинка, Руша, Цоца, Гоце, Тина, Лика (Велика), Еленка, Мицо, Милан и Христо).

Да се потсетиме на неговата изјава:about:blank

„Оној што сака да работи за присоединување на Македонија кон Бугарија, Грција или Србија, тој може да биде добар Бугарин, добар Грк, или добар Србин, но не и добар Македонец“.

Неговите посмртни останки прво се чуваат во Баница до 1917 година, кога се пренесени во Ксанти, а потоа во Софија. До 1923 година, ковчежето со коските се чува во домот на Михаил Чаков, а на него пишувало:

„Ги заколнуваме поколенијата што доаѓаат светите коски да бидат погребани во главниот град на независна Македонија.

Август 1923, Илинден“.

Заветот е исполнет и на 11 октомври 1946 година се пренесени во Скопје, во црквата Свети Спас.

Свет

Четирите гасни комори во Аушвиц им го одземаа животот на околу 20.000 луѓе на ден, најмалку 1,1 милиони луѓе !

Денес се одбележува Меѓународниот ден на комеморацијата во чест на жртвите на холокаустот од Втората светска војна, јавува Anadolu Agency (AA).

Со одлука на Генералното собрание на Организацијата на обединетите нации, која датира од 2005 година, 27 јануари е прогласен за Меѓународен ден на комеморација на жртвите на нацистичкиот геноцид, а претставува и заложба за борба против омразата и антисемитизмот во светот.

Во текот на Втората светска војна, период познат по обидот на нацистите за истребување на Евреите, беа убиени шест милиони луѓе, а логорот Аушвиц во Полска стана главна дестинација на која посетителите преку изложените лични предмети можат да се запознаат со условите во кои беа убиени повеќе од еден милион Евреи во гасните комори.

Б. Фишман/Sputnik

Ослободувањето на логорите на смртта се случи на 27 јануари, 1945 година

Иако многумина не го преживеа логорот „Аушвиц“ за да ја раскажат приказната за страдањето, малиот број преживеани секоја година на 27 јануари одат во кампот на тортурата во чест на оние што загинаа.

„Аушвиц“ се наоѓа на периферијата на полскиот град Освјенќим, кој нацистите го анексираа за време на Втората светска војна.

Во почетокот беше германски концентрационен логор со околу 700 полски затвореници, но наскоро се прошири во голем комплекс со повеќе од 40 кампови и подкампови. Четирите гасни комори во Аушвиц-Биркенау им го одземаа животот на околу 20.000 луѓе на ден.ѕ

Б. Фишман/Sputnik

Командантот на логорот, Рудолф Хес, сведочел на Нирнбершкиот процес дека три милиони луѓе умреле во логорите во времето кога тој бил командант (4 мај 1940 до ноември 1943). Подоцна ја намалил оваа проценка на околу 1,1 милион, во рок од пет години постоење и оваа проценка денес е општо прифатена.

Помеѓу 18 и 27 јануари 1945, поради наближувањето на советските трупи, Ес Ес евакуирал околу 60.000 затвореници од Аушвиц во други концентрациони логори. Црвената армија под команда на маршал Конев го ослободила логорот на 27 јануари 1945 г, и затекнале околу 7.000 затвореници.

Б. Фишман/Sputnik

Забава

Заработуваат повеќе и од програмерите, платите одат и до 10.000 евра

Здравиот живот и физичката активност стануваат сè по популарни, а луѓето ангажираат лични тренери, кои може да им се посветат за што побргу да стигнат до идеалната фигура.

На социјалната мрежа „Редит“ се отвори дебата за тоа колку заработуваат фитнес-тренерите.

Дали тие добро заработуваат, па има толку голем интерес? Дали заработувате доволно да живеете како луѓе? Колку работни часови, во просек, имаат фитнес-тренерите неделно“, се вели во објавата на „Редит.

„Ако работиш за фирма, вежбалница, платата е околу 70.000 повеќе или помалку со бонуси (за групи и слично), а ако си соло, небото е граница“, напишал еден корисник на оваа мрежа.

Друг праша дали фитнес-тренерите заработуваат добри пари, па интересот е толку голем?

„Да. Некои дури и повеќе од постарите програмери. Мислам, додека редовно ги следев на ‘Инстаграм’, ми дојде на ум прашањето за бројот на клиенти. Одговорите варираа од 50 до 60, а имаше и такви што имаа и до 100, можеби и повеќе. Од секој по 100 евра, па пресметај“, вели друг корисник.

Коментарите почнаа да се слеваат, а оние што имаат искуство ја презентираа пресметката на заработката.

„Мојот тренер наплаќа 80 евра ако е групно, а мислам дека 150 е индивидуален термин. Пред еден месец бевме 40, повеќето на групни тренинзи, а исто така има многу што се онлајн, а јас мислам дека тоа е 50 евра. „Контактирав и некои други тренери, каде што ми бараат 300 евра месечно и исплата за три месеци“, вели една девојка.

„Најдобро заработуваат оние што се на онлајн-обука бидејќи за тоа не е потребно нивно физичко присуство и може да имаат многу поголем број клиенти, а во исто време не плаќа никаков данок и нема ниту еден трошок“, пишува понатаму во коментарите.

Како што напишал еден корисник, сè зависи од тоа каков маркетинг правите за себе, неговиот тренер наплаќа 250 евра месечно и секогаш е полн. Работи од 7 до 22 часот и заработува повеќе од постар програмер.

Македонија

Холокаустот – Трагедија која не смее да се заборави: Од фашистите депортирани 7.144 евреи од Македонија

Објава на денот:

27 јануари е Меѓународен ден на сеќавање на жртвите на холокаустот. Фашистичка Бугарија во Треблинка депортирала 7.144 Евреи од Македонија односно 98% од вкупното еврејско население на оваа територија кои никогаш не се вратиле назад. Ова не смее да се заборави или негира – пишува граѓанин на Твитер.

Имено со одлука на Генералното собрание на Организацијата на обединетите нации, која датира од 2005 година, 27 јануари е прогласен за Меѓународен ден на комеморација на жртвите на нацистичкиот геноцид.

Ослободувањето на логорите на смртта се случи на 27 јануари, 1945 година.

Истражување, Македонија

НАЦИОНАЛЕН СРАМ „Маврово“

  • Точно 10 години изминаа откако Студијата за ревалоризација на заштитено подрачје Маврово, изработена од еминентни домашни и меѓународни научници, е заверена во архивите на ЈУ Национален парк „Маврово“ како официјален документ.
  • Студија на 416 страни, помогната од Италија со пет милиони евра, која требаше да е основа Маврово повторно да биде прогласено за заштитено подрачје.
  • Во меѓувреме Маврово, од национален парк, се претвори во национален срам за Македонија, во предел во кој царува спрегата меѓу крупниот бизнис, урбаната мафија и корумпираните политичари.
  • Наместо да биде заштитено подрачје со чии природни и културни вредности би се гордеела Македонија, стана подрачје на диви депонии, загадени водотеци, затруено езеро, уништени шуми, бетонизација, сообраќаен хаос …

Наместо изгласување на Законот, во меѓувреме, поради разни политички и бизнис интереси, законот никогаш не влезе во собраниска процедура, а студијата остана само „мртво слово на хартија“. Во меѓувреме Маврово, од национален парк, се претвори во национален срам за Македонија, во предел во кој царува спрегата меѓу крупниот бизнис, урбаната мафија и корумпираните политичари. Наместо да биде заштитено подрачје со чии природни и културни вредности би се гордеела Македонија, стана подрачје на диви депонии, загадени водотеци, затруено езеро, уништени шуми, бетонизација, сообраќаен хаос … 

И сето тоа во атарот и пред очите на оние кои се непосредно надлежни да се грижат за овој предел, а тоа се пред се Општината Маврово и Ростуше и ЈУ Национален парк „Маврово“, кои со години ништо не преземаат за подобрување на состојбите. Напротив, многу чинители укажуваат на тоа дека тие се директни соучесници во овие процеси.

Последиците од ваквиот однос кон најстариот национален парк во Македонија се катастрофални. За жал, форматот на оваа фото-приказна на ДОМА е ограничен на 15 фотографии, што ниту приближно не е доволно за да се долови трагедијата што се случува во овој дел од Македонија – пишува off.net.mk.

Целиот ТЕКСТ со ФОТОГРАФИИ прочитајте го ТУКА:

Македонија

Генерал Ангелов до командант Ахмети: Победивме секаде каде што имавме наредба да војуваме…

Изјавата на Ахмети е некоректна, неполитичка дури би ја нарекол и безобразна. Да се споредува нападот на Русија врз Украина со одбраната на Македонија во 2001-та е неточно и невкусно бидејќи се работи за два сосема различни воени конфликти. Ова е одговорот на генералот Стојанче Ангелов, бранител, на изјавата на лидерот на ДУИ Али Ахмети на партискиот собир во Шипковица кога кажал дека за време на средба со делегација од Украина рекол: „Вие ќе ја добиете оваа војна. Бидете силни и никогаш не се предавајте, така победивме и ние, бидејќи ние не се предадовме никогаш!“

Во 2001 година Република Македонија и нејзините вооружени беше нападната од УЧК, вели во реакцијата на својот фејсбук-профил Ангелов.

„Со комуникето број 4 УЧК побара од ‘славомакедонците’ да ги напуштат вековните албански огништа. Но ние, припадниците на македонските безбедносни сили, војувавме насекаде каде што имавме наредба да војуваме, победивме секаде каде што имавме наредба да војуваме, ја одбранивме нашата татковина Македонија и не дозволивме да биде отцепена ниту педа македонска земја.

Откако од УЧК увидоа дека никако не можат да се спротивстават на македонските безбедносни сили, ја сменија стратегијата, а со тоа и реториката и наместо борба за ослободување на вековните албански огништа, почнаа да зборуваат за борба за човекови права. На тој начин, преку ноќ, од убијци и разбојници, како што ги нарекуваше тогашниот генерален секретар на НАТО Џорџ Робертсон, станаа борци за човекови права.

Сакам да верувам дека изјавата на Ахмети е кажана наменски, како дел од  политичкиот говор за подгревање на националната атмосфера на собирот во Речица, но апелирам до сите политичари, посебно до највлијателните, да бидат исклучително внимателни и да престанат да користат ваква распалувачка реторика. Бидејки, само неколку погрешни реченици може да предизвикаат значаен чекор назад кон влошување на меѓуетничките односи, нарушувајќи го процесот на помирување на кој макотрпно работиме години наназад“, вели Стојанче Ангелов, претседател на партијата на бранителите Достоинство.

Македонија

ПРОНАЈДЕН МРТОВ МАЖОТ кој вчера ЗАСТРЕЛА 25 ГОДИШНА ДЕВОЈКА – претходно си го има убиено и братот!

Се самоуби човекот кој утрово ја претепа, па пукаше и ја рани во стомакот 25-годишната девојка од Велес,пишува порталот Батали.нет.

Полицијата попладнево го лоцираше во неговиот стан, во зграда, на улица Андон Шурков бр. 27, во близина на Интернатот, па во голема акција, се обиде да го уапси.

Сепак, човекот не дозволил да биде уапсен, па непосредно пред полицијата да влезе во станот, тој се самоубил. Батали.нет пишува дека се работи за 38-годишниот З.Т. кој на крајот на 2008 година го убил својот брат и бил осуден на 13 годишна затворска казна.

Македонија

ТРИЕСЕТ И ШЕСТ УЧЕНИЦИ од КАВАДАРЦИ оваа учебна година СЕ ИСПИШАЛЕ И ЗАМИНАЛЕ ВО СТРАНСТВО

Триесет и шест ученици од општина Кавадарци оваа учебна година, во второто полугодие, се испишале и заминале во странство.

Вака денеска беше одговорено од Секторот за образование и спорт при кавадаречката локална самоуправа, на прашање од советникот Круме Богевски, во рамки на седница на Совет на општината. Во оваа бројка влегуваат 30 ученици од основните и шест од средните училишта.

Во оваа учебна година, во основно образование се запишале 3.129 ученици. Во средно образование, 1.428 средношколци.

Македонија

(ФОТО) Со БАРИКАДИ И ТРАКТОРИ – Граѓаните се организираа, на 4-ти февруари ќе се блокира патот до Скопје

Gallery

Бугарски граѓани на 4 февруари организирано ќе дојдат во Скопје за да се поклонат пред гробот на Гоце Делчев.

На социјалните мрежи објавен е повик граѓаните на 4 февруари да ја блокираат патарината Куманово – Скопје со цел нивно спречување.

„Повик до сите родољуби! Дојдете со камиони, трактори, автомобили и друга машинерија и поддржете го протестот. Кумановчани – ве повикуваме во 9 часот да ја блокирате патарината кон Скопје. Да не дозволуваме бугарските нео-нацисти да плукаат по споменот на великанот Гоце Делчев“, стои во објавата.

Вчера бугарска фондација на социјалните мрежи објави насоки за Бугарите кои на 4 февруари планираат да дојдат во Скопје.

Од друга страна пак – Нема да дозволиме бугарските фашисти со Џамбаски да пријдат до црквата Свети Спас – велат од здружението Македонци во Србија.

Од Партијата на Македонците во Србија (Странка Македонаца Србије) му порачуваат на бугарскиот европратеник Ангел Џамбаски дека на 4. февруари ќе дојдат во Македонија да положат цвеќе на гробот на Гоце Делчев, но нема да му дозволат тој да пријде до црквата Свети Спас во Скопје.

Македонија

Пендаровски остро до Милков: На Голи оток ги испраќаа тие што беа за Сталин, а не затоа што биле Бугари

„Тој не ја познава историјата, бидејќи на Голи оток не се одело зашто некој бил Македонец или Бугарин, туку дали си за Тито или за Сталин“.

Вака претседателот Стево Пенаровски му возврати на бугарскиот министер за надворешни работи Николај Милков во интервју за Топ Тема на Телма. Претходно, Милков обвини дека стотици Бугари, односно луѓе со наводна бугарска самосвест, завршиле на Голи Оток, споредено со 12 момчиња убиени во македонското село Ваташа.

На обвинувањата на Милков дека македонскиот претседател ги прикрива политиките на државата за дискриминација на македонските Бугари, Пендаровски со одговор:

Дајте докази!