Дневно околу десет граѓани се обраќаат за помош во Одделението за ортопедија и трауматологија во тетовската клиничка болница, поради повреди предизвикани од падови на заледени површини. Лекарите упатуваат апел, особено до повозрасните граѓани, да бидат претпазливи и да избегнуваат излегување доколку не се подготвени.

Граѓаните реагираат на лошата состојба на тротоарите, барајќи од општината поефикасно да ги расчисти. Особено се нагласува дека замрзнатите тротоари претставуваат сериозен ризик за постарите лица.

„Тротоарите се во катастрофална состојба, не само во градот туку и во селата,“ вели еден од жителите.

„Некои делови се исчистени, но многу места остануваат опасни за пешачење,“ додава друг.

„Дури и кога се исчистени, по снегот се создава мраз, што доведува до падови. Еден пријател се лизна и ја скрши раката,“ изјави друг соговорник.

Од општина Тетово уверуваат дека работат на решавање на проблемот.

„Екипите на Јавното комунално претпријатие ‘Тетово’ се на терен и постојано работат на расчистување. Прво беа приоритет булеварите и главните улици, а истовремено се фрлаше сол за да се спречи замрзнување. Поради континуираните врнежи, расчистувањето продолжува, и деновиве ќе бидат опфатени и секундарните патишта во градот и околните села,“ изјави портпаролката на општината, Бесарта Рамадани.

Жителите се надеваат дека расчистувањето ќе се забрза, за да се намали бројот на несреќи предизвикани од заледени површини.

Од ДУИ повторно ги помешаа лончињата: Маската за која тврдат дека е Зијадин Села и бил исмеван на карневалот во Вевчани е групна “ЗОМБИ” маска !!!!
Во продолжение ви ја прикажуваме нивната скандалозна изјава со која повторно сакаат да предизвикаат меѓуетничка омраза.

Најостро го осудуваме неприфатливиот чин на исмејување и сатиризирање на обидот за убиство врз Зијадин Села, што се случи за време на Вевчанскиот карневал, реагираат од Демократската унија за интеграција (ДУИ).

– Ова е тешко нарушување на човечкото достоинство и опасна провокација за општествениот мир и стабилност. Незамисливо е вака сериозен настан, кој шокираше многу граѓани и кој остави сериозни последици по животот на поединци, да се користи како предмет на потсмев и омраза на јавен настан. И покрај тоа што овој чин се случи пред очите на институциите и мислењето, никој не реагираше, осуди и презеде ништо за да се спречи нормализирање на омразата и насилството. Додека Албанците и другите етнички групи се казнуваат за мирни и културни активности, одредени поединци во Вевчани го користат овој карневал за да шират пораки за омраза и насилство. Ова е неприфатлива форма на малтретирање и поттикнување на етнички и социјални поделби, стои во реакцијата.

Со потпишувањето на овој Меморандум, поставуваме основа за долгорочна и продуктивна соработка која ќе резултира со подобрување на податоците, анализите и ефикасноста во процесите што ги движат енергетиката и економијата, истакна министерката Божиновска.

Министерката за енергетика, рударство и минерални суровини, Сања Божиновска и директорот на Државниот завод за статистика, Дејан Станков денеска потпишаа Меморандум за соработка, кој, како што е наведено, поставува основа за заеднички активности и иницијативи во областа на енергетиката, рударството и минералните суровини.

Меморандумот, според Министерството, ја отсликува посветеноста на двете институции за унапредување на податоците и политиките, како и за поддршка на економскиот и енергетскиот развој во земјата.

Целта на овој Меморандум е воспоставување рамка за соработка меѓу двете институции, со цел ефикасни, релевантни и точни статистички податоци за креирање на политики и стратешко планирање.

-Со потпишувањето на овој Меморандум, поставуваме основа за долгорочна и продуктивна соработка која ќе резултира со подобрување на податоците, анализите и ефикасноста во процесите што ги движат енергетиката и економијата, истакна министерката Божиновска.

Директорот Станков додаде дека Меморандумот претставува значаен чекор за унапредување на статистичките податоци во областа на енергетиката, што е клучно за носење информирани одлуки и следење на трендовите.

Како што наведува Министерството, двете институции тесно ќе соработуваат за размена на податоци и информации со цел обезбедување ажурирани и точни статистички податоци за енергетскиот и рударскиот сектор, вклучувајќи производство, потрошувачка и извоз на енергија, како и релевантни податоци за обновливи извори на енергија.

-Оваа соработка ќе овозможи подобро разбирање на енергетските потреби и ресурси на земјата, што е од клучно значење за планирање и имплементација на енергетски проекти и иницијативи. Дополнително, ќе се поттикне транспарентноста и достапноста на податоците за јавноста, што ќе придонесе за зголемување на довербата во институциите и нивните активности, стои во соопштението.