Македонија

Јанаки за случајот на Викторија Крстевска: Наместо да преминат на царски рез, продолжиле со породувањето, прекршен е протоколот

Наместо царски рез, продолжиле со природно породување долго време, иако бебето не можело да излезе, во болницата апаратите не работеле комплетно зашто не ги регистрирале отчукувањата на срцето, што е стандардна процедура за контролата на бременостите, a вакуумот не може со сигурност да се каже дали е аплициран, зашто не е наведен етапно во документацијата туку е додаден во последните документи на крајот. Ова се пропустите кои Министерството за здравство ги констатирало во својот вонреден инспекциски надзор на битолската болница, за случајот на родилката Викторија Крстевска, чие бебе почина по породувањето и покрај тоа што имала уредна и контролирана бременост. Наспроти наведеното во крајните болнички документи, Крстевска категорично тврди дека вакуум воопшто не бил аплициран.

Јанаки Митровски, адвокат на родилката од Битола чие бебе почина при породувањето, за „Слободен печат“ тврди дека инспекцијата на Министерството за здравство констатирала низа прекршувања на протоколите при породувањето на Викторија Крстевска, неговата клиентка.

-Имавме увид во Јавното обвинителство на документите и на извештајот од инспекциската контрола која е извршена во болницата во Битола за овој случај. Во вонредниот инспекциски надзор констатирани се низа неправилности. Недостиг на опрема во самата болница, неисправни апарати кои не можат да ги регистрираат отчукувањата на срцето, туку само шум се слуша а не и колку отчукувања има, што е стандардна процедура за бремености. Во протоколите има неправилности во постапувањето. Најголемиот пропуст кој го наоѓаат за постапувањето на лекарите е дека кога пукнал водењакот и кога не можела веднаш да се породи, дека требало да преминат на царски рез. Тоа е нејголемиот пропуст што го наоѓаат како и фактот дека е сечена двапати накосо, наместо еднаш вертикално, вели Митровски за „Слободен печат“.

Дополнително, тој додава, дека од увидот во списите евидентно е дека двајцата лекари кои го вршеле породувањето, имале јасна намера да ја префрлат вината на гинекологот кој ја водел бременоста, а не зел учество во пораѓањето.

„Исто така, евидентен е нивниот обид да ја претстават родилката како агресивна и несоработлива, иако вистината е дека од страна на докторката е навредувана, на истата ѝ е викано и препорачано „да си оди во Плодност ако тука не ѝ чини“ и останати омаловажувања. Помеѓу сестрите кои биле присутни на породувањето, постои лесно воочлива координираност и мој сомнеж е дека се спремани за исказот во Јавното Обвинителство зашто исказот им е школски, односно ист од збор до збор. Единственото од кое сме задоволни е коректната вонредна инспекција на Министерството за здравство каде се детектирани серија недостатоци, грешки, неодстиг на опрема или неисправност на истата како и непочитување на протоколите и процедурите од старна на болницата и лекарите“, вели Митровски.

Резултатите од обдукцијата се чека да бидат достапни деновиве, а родилката Викторија Крстевска се сомнева дека Обвинителството ќе се повика на обдукцијата и ќе биде крај на приказната. Затоа таа се обратила во Обвинителството со свои докази за да не се дозволи надворешно мешање во предметот, за што постојат сознанија дека има обиди да се направи.
По смртта на новороденчето, тогашниот директор на болницата во Битола, доктор Александар Обедниковски си поднесе оставка од морални причини. Вонредниот инспекциски надзор на Државниот здравствен и санитарен инспекторат утврди недостатоци при третманот на Крстевска, ама од административна природа за што најавени беа парични прекршочни казни.

Извор: Слободен Печат Share on Facebook

Up Next

Тренчевска: Законот за родова еднаквост е за подобрување на семејните вредности и за заштита на децата

Don't Miss

Велес ќе ги враќа моштите на Панко Брашнаров, по иницијатива на Левица

Македонија

„Сејф сити“ казните наскоро ќе се плаќаат со апликација: секоја добива свој уникатен код

Системот „Безбеден град“ (Safe City) влегува во фокусот на јавноста, а најновите информации од првиот човек на Секторот за внатрешни работи (СВР) Скопје, Сашо Топаловски, откриваат шокантни исклучоци и недоречености кои допрва ќе ги брануваат граѓаните.

Топаловски синоќа потврди дека камерите ги „фаќаат“ и регистарските таблички во боја на службените возила, но – внимание – судбината на овие возила сè уште виси! Не е познато дали тие ќе бидат ставени на листата на „недопирливи“ како што се веќе противпожарните возила и возилата на брзата помош при интервенција.

Најголемата контроверза доаѓа од „VIP“ категоријата! Возилата во кои се превезуваат носителите на највисоките државни функции нема да бидат казнувани, бидејќи се движат под посебен сообраќаен режим. Дали ова значи дека привилегијата ја поништува сообраќајната безбедност за избраните, додека обичните граѓани ќе бидат ставени под лупата на законот?

На прашањето кое најмногу ги мачи возачите – дали ќе има казни за само еден километар над дозволената брзина – началникот не понуди никаков прецизен одговор. Наместо тоа, ретерираше со констатацијата дека „се разгледува праксата во други држави и градови во Европа“. Ова ја остава јавноста во неизвесност додека „Безбеден град“ демне од зад аголот.

Топаловски го отвори и болното прашање за плаќањето на глобите, најавувајќи дека се размислува за специјализирана апликација.

„Размислуваме за една специјализирана апликација каде што ќе има број што ќе го добиете и кој ќе биде единствен за плаќање на таа казна. Техничарите размислуваат за една таква апликација“, изјави тој.

Сепак, сè додека не се воведе модерното решение, граѓаните ќе мора да се потпрат на старите, побавни процедури: чекање на прекршочен налог и одење во банка – нешто што, според Топаловски, голем дел од граѓаните го преферираат пред онлајн плаќањата.

Останува да видиме кога ќе се дефинираат линиите на толеранција за брзината и дали службените возила ќе добијат бел чаршав или ќе се соочат со правдата на камерите.

Македонија

Денешната седница на Комисијата за „Пулс“ под знак прашалник поради можен недостаток на кворум

За денес во Парламентот е закажано одржување на седница на Постојаната анкетна комисија за заштита на слободите и правата на граѓаните. Седницата е иницирана по претставка поднесена од родителите на младите лица кои трагично ги загубија животите во пожарот што избувна во кочанската дискотека „Пулс“.

Семејствата на жртвите инсистираат на неодложно одржување на седницата, предупредувајќи дека нема простор за нови пролонгирања. Тие очекуваат целосно присуство од сите пратеници, како и претставници на релевантните институции, потенцирајќи дека денешниот термин е единствена можност за директно обраќање пред Собранието.

Во меѓувреме, опозицијата изразува загриженост дека седницата може да пропадне поради недостиг на кворум, доколку пратениците од владејачкото мнозинство одлучат да не се појават.

И покрај предлогот на претседателот на Собранието за одложување, поради тековната расправа за буџетот, партијата „Левица“, чиј претседател, Димитар Апасиев, раководи со комисијата, останува на првично закажаниот датум и време.

Паралелно со работата на ова тело, собранието веќе има формирано и посебна анкетна комисија. Нејзината задача е да ги разгледа сите поголеми трагедии кои се случиле во земјата во изминатите години, во чиј опфат спаѓаат и настаните поврзани со пожарот во дискотеката „Пулс“.

Македонија

Следното лето Скопје добива нова сезонска авиолинија

Од наредната година, нискобуџетниот авиопревозник „АЏет“ (AJet), најавува враќање на сезонските летови од популарниот Бодрум до главните градови – Скопје и Сараево, ексклузивно дознава порталот „Екс ју авиејшн“.

Авиолинијата Бодрум-Скопје ќе започне на 2 јули, а летовите ќе се реализираат секој четврток.

Не заостанува ни Сараево. Патниците од босанскиот главен град ќе можат да уживаат во директниот лет од 28 јуни, со редовни полетувања секоја недела.

Иако овие линии беа омилени кај патниците и редовно оперираа под капата на AJet и нејзиниот претходник Anadolujet – линијата за Сараево од 2021 до 2024 година, а онаа за Скопје од 2022 до 2024 година – за жал, во текот на оваа година беа ставени во мирување. Сепак, следната сезона ги враќа во живот, на задоволство на сите кои планираат одмор во Турција или посета на Балканот.