Во ирскиот град Тјум, округ Голуеј, започна ископување на масовна и необележана гробница за која се верува дека содржи останки од околу 800 бебиња. Гробницата потекнува од периодот меѓу 1925 и 1961 година, кога калуѓерки од редот „Бон Секур“ ги закопувале новороденчињата починати во институцијата за мајки и деца „Света Марија“.

Според „Гардијан“, дел од децата биле погребани без евиденција, во напуштен подземен септичен резервоар, на површина од околу 5.000 квадратни метри. Домот бил прибежиште за невенчани мајки и нивните деца, кои живееле во услови на сиромаштија и социјална стигматизација.

Ископувањата, кои ќе траат две години, се дел од напорите на Ирска да се соочи со историските злоупотреби во верски и државни установи. Историчарката Кетрин Корлес, која го покрена случајот со откривањето на 796 смртници, изјави дека чувствува олеснување по почетокот на работите.

Ископувањата ги води тим од 18 експерти од неколку земји, предводени од Даниел Максвини, поранешен претставник на Меѓународниот комитет на Црвениот крст. Целта е ексхумација и можна идентификација на останките, кои ќе бидат вратени на семејствата за достоен погреб.

Процесот се одвива според форензички стандарди, со обврска секој доказ за насилна смрт веднаш да се пријави. Поради подземни води и сложен терен, се користи специјална опрема и на самото место е поставена лабораторија за анализа. Некои семејства веќе доставиле ДНК примероци.

Домот „Света Марија“ бил затворен во 1961 година, а на негово место подоцна е изградена станбена населба. Ирската држава, според извештаите, со децении ги игнорирала нехуманите услови во установата.

Корлес изрази надеж дека барем дел од останките ќе можат да бидат идентификувани и додаде дека тимот е целосно посветен на откривање на вистината.

Трамп најави испорака на „Патриот“ системи за Украина

Американскиот претседател Доналд Трамп најави дека Соединетите Американски Држави ќе ѝ испратат на Украина системи за противвоздушна одбрана „Патриот“, со цел да ѝ помогнат во одбраната од руските напади.

„Ќе им испратиме „Патриот“, кои им се очајно потребни“, изјави Трамп, но не го прецизираше бројот на системи што ќе бидат испорачани. Оваа изјава доаѓа во услови на зголемена тензија и заладени односи помеѓу Трамп и рускиот претседател Владимир Путин.

Најавата следува само две недели по одлуката на Вашингтон за привремено запирање на одредени воени испораки за Киев, што предизвика загриженост меѓу украинските власти.

На истата прес-конференција, Трамп се осврна и на состојбата во Појасот Газа. Тој изјави дека разговорите за прекин на огнот се во тек и изрази надеж дека ќе има напредок во текот на следната недела, и покрај моменталниот застој на преговорите што се водат во Доха.

„Во врска со Газа – водиме разговори и се надевам дека ситуацијата ќе се разјасни во наредните денови“, изјави Трамп, задржувајќи го оптимистичкиот тон што го имаше и на Денот на независноста, 4 јули.

Украинската безбедносна служба (СБУ) објави дека е извршена операција на руска територија во која е ликвидиран висок функционер на Федералната служба за безбедност на Русија (ФСБ) — полковникот Воронич. Според соопштението, акцијата била изведена сред бел ден и под надзор на безбедносни камери.

Украинските медиуми објавија дека двајца осомничени – маж и жена – учествувале во операцијата, со задача да го следат движењето на целта. Откако добиле координати до однапред подготвено скривалиште, таму ги чекал пиштол со пригушувач. На видеото објавено од СБУ се гледаат две тела, но засега не е прецизирано колку лица биле ликвидирани во операцијата.

Според медиумски извори, полковникот Воронич бил директно вклучен во тајни операции на ФСБ на окупираните украински територии и се верува дека бил поврзан со организирање на упади на украински сили во рускиот регион Курск во 2023 година.

По атентатот, оперативците се обиделе да побегнат, но биле лоцирани од украинските служби и руската полиција.

СБУ, која формално е задолжена за државна безбедност и контраразузнавање, во изминатите две години презеде и офанзивна улога во конфликтот со Русија. Од почетокот на руската инвазија во 2022 година, украинската служба е инволвирана во повеќе операции на руска територија, вклучително и саботажи и атентати врз високи руски функционери и воени објекти.

Во меѓувреме, Русија продолжува со засилени воздушни напади врз Украина. Во последната недела беа регистрирани нови дронски напади, вклучително и врз главниот град Киев.

СБУ ліквідувала кілерів, які убили полковника Служби безпеки у Києві

Спецоперацією з пошуку вбивць українського захисника особисто керував голова СБУ, генерал-лейтенант Василь Малюк. pic.twitter.com/fYzHqAYr8w

— СБ України (@ServiceSsu) July 13, 2025