Насилството изби денеска на неколку избирачки места во Грузија, додека граѓаните гласаа на изборите кои се сметаат за клучни во оваа јужнокавкаска земја, бидејќи тие би можеле да ја одредат судбината и курсот на земјата – кон интеграција со Западот или свртување кон Русија.

Владејачката партија Грузиски сон, која направи остар авторитарен пресврт во последниве години и го запре напредокот на земјата кон потенцијално членство во Европската унија, се кандидира за реизбор, со четири прозападни опозициски блока пред неа.

Активистите и групите набљудувачи споделија снимки на социјалните мрежи за кои велат дека се вметнати гласачки ливчиња на избирачко место во Марнеули, јужна Грузија, јавува „Си-Ен-Ен“.

Друго видео покажува човек, идентификуван во локалните медиуми како Азад Каримов – шеф на регионалната организација на опозициската партија Обединето национално движење (УНМ) – како е нападнат од неколку мажи пред гласачко место во Марнеули. На фотографиите Каримов е со крвав нос и расекотини на лицето.

– Не тепаа, плукаа по нас, не пцуеја – изјави Гела Мтивлишвили, еден од набљудувачите на избирачкото место Ахмет во источна Грузија, пренесува „Политико“.

– Претходно на друго избирачко место бевме сведоци како координаторот на партијата Грузиски сон дава пари на гласач – рече таа.

Право на глас имаат околу 3,5 милиони гласачи, а за влез во парламентот со 150 пратенички места потребно е да се помине изборниот праг од 5 проценти.

– Ова е денот што ќе ја одреди иднината на Грузија – изјави претседателката на земјата Саломе Зурабишвили по гласањето, пренесе Ројтерс.

Пред неколку недели, Обединета Македонска Дијаспора (ОМД) испратила прашалник до кампањите на поранешниот претседател на САД Доналд Трамп и до актуелната потпретседателка на САД Камала Харис со релевантни приоритети и барања од македонско-американската заедница. Од ОМД наведуваат дека прашањата се однесуваа околу прогласувањето на септември за месец на македонско-американското наследство, засилување на стратешкиот дијалог и партнерство меѓу САД и Македонија, за потенцијален договор за двојно оданочување меѓу САД и Македонија, како и за вклучување на Македонија во програмата за укинување на визи за САД.

Се проценува дека во САД живеат над половина милион Американци со македонско потекло.

ОМД добила писмо од потпретседателката Камала Харис што го споделија со јавноста во оригинален формат. ОМД се` уште чека одговор од поранешниот претседател Доналд Трамп и ќе го сподели со јавноста штом ќе го добие.

„Со изминување на септември, месец посветен на македонско-американското наследство, сакаме да го искористиме овој момент за да оддадеме почит за огромните влијание и богата култура што македонско-американската заедница ѝ ги донесе на нашата нација. Минатиот месец беше особено значаен, бидејќи се одбележа независноста на тогашната Република Македонија од Југославија на 8 септември 1991 година – извонредно достигнување што ја отелотворува издржливоста и трајниот стремеж како единствена земја која ги достигна својата независност и слобода по мирен пат.

Повеќе од еден век, македонските имигранти бараат заштита и можности во САД, водени од клучните историски настани како што се Илинденското востание, Балканските војни и глобалните конфликти во 20 век. Од 1880-тите, десетици илјади Македонци најдоа нов дом овде, придонесувајќи за богатата разноликост на нашата нација. Денес, околу 500.000 поединци со македонско потекло прогресираат и придонесуваат во заедниците низ нашата држава.

Силното присуство на Македонци во држави како Мичиген, Њу Џерси, Њујорк, Охајо, Индијана, Илиноис, Флорида, Пенсилванија и Калифорнија, говори доволно за трајниот придонес. Македонските Американци се истакнаа во различни области – независно дали се работи за бизнис, технологија, уметност или медицина. Претприемачите ја зајакнаа нашата економија, спортистите донесоа дома олимписки медали, а уметниците го збогатија нашиот културен пејзаж, истакнувајќи ги неверојатните таленти што произлегуваат од оваа заедница.

Покрај придонесите кон економијата и културата, македонските Американци активно се вклучуваат во нашата демократија. Многумина служат во законодавните тела и граѓански организации, рефлектирајќи ги принципите на слобода и заедница што ја прават нашата држава посилна. Нивната посветеност во граѓанскиот сектор е инспирирачка и клучна за здравјето на нашата демократија.

Ги славиме не само извонредните достигнувања на Македонците, туку и богатото наследство што вие продолжувате да го градите. Ајде да се здружиме за да го признаеме длабокото влијание на македонските Американци во обликувањето на разновидниот дух на САД. Вашите придонеси ја подобруваат силата и карактерот на нашата нација и со нетрпение очекуваме да го продолжиме овој пат заедно“, стои во пораката на Харис до македонско-американската заедница.

Израелската армија соопшти ноќта кон саботата дека изведува напади врз воени цели во Иран како дел од одговорот на иранските одмазнички напади врз Израел на почетокот од месецот.

„Како одговор на повеќемесечните континуирани напади на иранскиот режим врз државата Израел, изрелската восјка сега изведува прецизни напади врз воени цели во Иран“, се вели во соопштението на Telegram каналот израелската армија.

Информациите за нападите врз цели во Иран ги потврди и израелската официјална државна телевизија и радио Kan, без да даде детали.

Силни експлозии се слушнаа во Иран и во близина на сириската престолнина Дамаск рано во саботата по локално време, соопштија државните медиуми во двете земји, што е можен почеток на очекуваниот одговор од страна на Израел на баражот со балистички ракети извршен од Иран на 1 октомври, пренесува Reuters

Иранската државна телевизија објави дека силни експлозии се слушнале околу главниот град Техеран, но нема официјален коментар за нивниот извор. Полуофицијални ирански медиуми објавија дека експлозии се слушнале и во блискиот град Караџ.

Новинската агенција Tasnim соопшти дека „досега не се забележани звуци на ракети или авиони на небото над Техеран“.

Државната телевизија цитираше неименувани ирански разузнавачи кои велат дека изворот на силните експлозии може да биде „активирањето на иранскиот систем за противвоздушна одбрана“.

Иранските власти постојано го предупредија Израел дека во случај на каков било напад врз Иран, ќе се соочи со посилна одмазда.

Сириската државна телевизија соопшти дека експлозии се слушнале и во селата близу Дамаск и во централниот регион.

Израел тврди дека има право и должност да одговори на нападите на Техеран и неговите посредници, кои вклучуваат лансирање ракети од иранска територија. „Нашите одбранбени и офанзивни способности се целосно мобилизирани“, додаде армијата.

Обемот на нападот не беше веднаш познат.

Израел ги известил САД пред нападот, но тие не биле вклучен во операцијата, изјави американски официјален претставник за Reuters.

„Свесни сме дека Израел изведува насочени напади врз воени цели во Иран во самоодбрана и како одговор на иранскиот балистички ракетен напад врз Израел на 1 октомври“, рече портпаролот на Советот за национална безбедност на Белата куќа, Шон Савет.

Блискиот исток е на работ од интензивна ескалација на конфликтот во очекување на израелската одмазда за одмасничкиот напад од страна на Иран, во кој беа истрелани околу 200 балистички ракети кон Израел, што е втор директен напад на Иран врз Израел во последните шест месеци.

Израелскиот министер за одбрана Јоав Галант оваа седмица рече дека непријателите „ќе платат висока цена“ за обидот да му наштетат на Израел.

Изминатите неколку седмици Израел ја интензивираше својата офанзива против палестинската милитантна групација Хамас во Газа и либанското шиитско движење Хезболах во Либан, поддржан од Иран. Војната беше предизвикана пред една година со нападот на Хамас на 7 октомври 2023 година врз јужен Израел

Вашингтон се обидува да го спречи натамошното проширување на конфликтот. Американскиот државен секретар Ентони Блинкен во средата рече дека одмаздата на Израел не треба да доведе до поголема ескалација.

Израел не ги нападнал иранските нафтени постројки и аеродромите во Техеран

Израел не ги нападнал иранските нафтени постројки или аеродромите „Имам Хомеини“ и „Мехрабад“ во Техеран, објави во саботата либанскиот телевизиски канал Al Mayadeen.

Според овие информации, Израел се обидел да нападне три воени база на периферијата на Техеран, но била активирана иранската противвоздушна одбрана.

Израелската армија претходно ноќта кон саботата соопшти дека напаѓа воени цели во Иран како одговор на „месечните континуирани напади“.

Нема извештаи за жртви или загинати меѓу иранската војска по извештаите за наводни експлозии во Техеран, јавува иранската новинска агенција Shafaqna.

„Засега нема извештаи за загинати или повредени меѓу иранскиот воен персонал или цивили. Иранската воздушна одбрана пресретна голем број воздушни цели за време на израелскиот напад“, според Shafaqna.

Исто така, досега не се пријавени напади врз воени центри кои припаѓаат на Корпусот на гардата на Исламската револуција (IRCG) во Техеран, изјавиле за Tasnm информирани извори откако се слушнале експлозии во иранската престолнина. Изворите рекле дека и ниеден воен центар на IRCG на запад и југ од иранската престолнина не бил цел.

Во саботата рано наутро по локално време, жотелите пријавувале дека слушнале неколку експлозии во градот. Експлозиите се слушнале западно од Техеран, според дојавите.

Звуците на експлозии биле поврзани со ангажирањето на противвоздушната одбрана на Иранската армија со потег на израелската војска на три локации околу Техеран, известува Tasnim.

Во меѓувреме, се нормализирала и ситуацијата во Техеран. Извршниот директор на Меѓународниот аеродром Имам Хомеини (IKIA), Саид Чаландари изјавил за иранските медиуми дека аеродромот е во стабилна ситуација и не се пријавени безбедносни инциденти. Додал дека летовите полетуваат од аеродромот со почеток во 5,30 часот по локално време според планираното и дека нема наредба за откажување на летовите.

Официјални лица на аеродромот „Мехрабад“, исто така, потврдија дека нема прекини на летовите.

Претходно иранските медиуми известија за звуци од неколку експлозии во Техеран. Израелските одбранбени сили (IDF) соопштија дека започнале со напади врз воени цели во Иран како дел од одговорот на иранскиет одмазднички напади врз еврејската држава на 1 октомври.

Ситуацијата во Техеран во врска со израелскиот напад врз Иран и извештаите за експлозии во иранската престолнина е мирна, јавува иранската државна агенција Mehr.

„Целосен мир и тишина владее на автопатот Харази во западен Техеран. Ситуацијата во Техеран е мирна“, се вели во објавата.

Израел последните денови се консултирал со Соединетите држави за обемот и видот на целите коишто израелската армија планира да ги нападне како одговор на иранскиот напад, објави The News York Times (NYT) повикувајќи се на американски функционер. „Беа одржани консултации меѓу Пентагон и Белата куќа. Раната е мирна“, се вели во извештајот.

Израел се подготвуваше за воена акција, особено по извештаите претходно оваа година за сличен израелски напад кој наводно уништил радар за воздушна одбрана во близина на Исфахан по иранскиот напад во април. Најголемиот израелски сојузник САД, од своја страна, сакаат да избегнат ескалација на конлфиктите на Блискиот исток, и според најавите вршеле притисок врз Израел и истовремено далеку од фокусот на јавноста комуницирале со Техеран во напорите изрелскиот удар да биде со интензитет од возвратните напади меѓу двете земји во април годинава. Вашингтон, исто така, инсистирал израелскиот напад да не биде насочен особено кон иранската нафтена инфраструктура.

Весникот The New York Times, повикувајќи се на свои извори, претходно ноќта кон петокот објви дека Иран разгледува различни опции за одговор на евентуален израелски напад, а дејствијата на Техеран ќе зависат од целите што ќе ги избере еврејската држава.

Иранскиот врховен лидер, ајатолахот Али Хамнеи ѝ наредил на војската да развие повеќе планови за одговор на израелскиот напад во зависност од неговиот обем, според четворица неименувани ирански официјални лица.

Доколку нападот предизвика сериозно уништување и многу жртви, Иран ќе одговори. Ако, пак, Израел се ограничи на напад на неколку воени бази и магацини со проектили и беспилотни летала, Техеран може да не преземе ништо како одговор, велат изворите на американскиот весник.

Тие истакнале дека одговорот ќе биде неизбежен во случај на напад врз нафтената и енергетската инфраструктура на Иран, неговите нуклеарни капацитети, како и во случај на убиство на високи функционери.

Според весникот, меѓу можните мерки Техеран ја разгледува можноста за лансирање на околу илјада балистички ракети, интензивирање на нападите од сојузниците на Иран во регионот (либански Хезболах, палестински Хамас, јеменските Хути и шиитските ирачки милиции присутни во Сирија), како и нарушување на глобалното снабдување со енергенси и превозот во Персискиот залив и Ормутскиот теснец.

Во очекување на потенцијален израелски напад кој треба да биде одговор на иранскиот одмазнички напад од почетокот на октомври, на војската на Иран ѝ е наложено да биде подготвена за војна, но Техеран исто така се обидува да го избегне тоа, додава The New York Times.