Скопските општини  уште во текот на ноќта почнаа со расчистување на снегот од улиците. Дел од градоначалниците веќе информираа дека ноќеска биле активирани службите.

Општина Центар, како што соопштија оттаму во текот на ноќта ги расчистувала најкритичните  и најпрометните улици.

– Зимската служба започна со расчистување на снегот уште од доцна синоќа, приоритетно на најкритичните локации, како што е подножјето на планината Водно, и на најпрометните улици под надлежност на општината. Со вкупно 4 возила – 2 со плуг и соларка, како и 2 специјализирани возила за отстранување снег, тимовите се на терен од ноќеска и интензивно работат на фрлање сол и расчистување на уличната мрежа, како и на критичните сообраќајни точки – вели градоначалникот на Центар Горан Герасимовски.

Општина Гази Баба, пак, активира 4 специјализирани возила за снег, два багери и 50 вработени.

-Граѓаните да бидат спокојни, лично сум на терен со колегите од кризниот штаб и сите оние кои активно работат на расчистување на снегот. Со цел брзо и ефикасно делување, отворивме мобилен пункт во Црешево каде што се доставени количини на сол и ризла и во пунктот е присутна механизација подготвена за делување на терен. Безбедноста во сообраќајот е најважна во вакви временски услови. Како општина правиме се што е потребно да овозможиме непречено одвивање на сообраќајот низ целата општина – вели градоначалникот на оваа општина  Бобан Стефковски.

Акцијата за расчистување на снегот во Гази Баба трае повеќе од 7 часа и досега по улиците на општината се расфрлени повеќе од 30 тони сол и ризла.

И градоначалникот на општина Кисела Вода информира дека изминатите часови активно се чистел снегот од улиците во оваа општина.

Поливина Скопје е без струја поради испад во трафостаница.

„Поради испад во трафостаница без електрична енергија е поголем дел од Општина Карпош и тоа населбите Карпош 1, Карпош 2, Карпош 3, Карпош 4, Тафталиџе, како и делови од Влае и Злокуќани.
Од ЕВН не информираа дека нивните екипи се веќе на терен и работат на поправка на дефектот“, се вели во објавата на Фејсбук на Општина Карпош.

Маж се обидел да ограби маркет во скопски Карпош.

„Во петокот во 18.30 часот СВР Скопје добило пријава за обид за кражба во маркет на подрачјето на Карпош. Во 15.40 часот, машко лице со физичка сила и закана со остар предмет кон вработените се обидело да одземе производи, но не успеало. При тоа и нанел повреда на една од вработените“, информираат од МВР.

Полицијата преземала мерки за расчистување на случајот.