Две блок трансакции поминале вчера со акции на тетовскиот комбинат „Тетекс“ на Македонската берза.
И во двете блок трансакции поминале иста количина на акции, односно по 1.200 акции во секоја трансакција, а цената што се постигнала за акциите е исто така иста, по 2.987 денари за акција. 

Тоа значи дека вредноста на една трансакција бил по нешто над 58 илјади евра, или двете трансакции се 117 илјади евра двете трансакции.

Дали станува збор за исти продавач и купувач, или за различни, засега не е познато. 

Во таа компанија Иванка Гоговска поседува 6,92 отсто од акциите, Лоди Гоговска поседува 6,89 отсто од акциите, а Бобан Гоговски кој е и директор располага со 6,67 отсто од акциите, додерка, пак, самиот комбинат расолага со 6,13 отсто од акциите.

Избор: Фактор.мк

Унгарската компанија 4иГ најави влез на македонскиот пазар како трет мобилен оператор и ќе изгради сопствена мрежа со инвестиција од 100 милиони евра во првите 10 години. Компанијата ќе нуди мобилни, фиксни и ТВ услуги преку новоформираната „Оне Македонија Телекомуникејшн“. Според најавите, првите услуги ќе бидат достапни следната година, ако добијат фреквенција од Агенцијата за електронски комуникации (АЕК).

4иГ ја најави стратегијата за влез на македонскиот телекомуникациски пазар како трет мобилен оператор

Унгарската телекомуникациска компанија 4иГ официјално ја потврди својата намера за влез на македонскиот пазар како трет мобилен оператор, што ќе донесе поголема конкуренција и можни пониски цени за корисниците. Компанијата планира да изгради сопствена мрежа и ќе вложи 100 милиони евра во следните 10 години, наместо да купува постоечки оператор.

На средбата со новинарите во Тирана, Пал Заранди, директор за мобилни и 5Г стратегии во групацијата 4иГ, објави дека компанијата веќе поднела барање до Агенцијата за електронски комуникации (АЕК) за добивање фреквенции за мобилна и фиксна телефонија.

„Нема да преземаме постоечки компании. Наместо тоа, нашата стратегија е да изградиме целосно нова мрежа, за што планираме да вложиме околу 100 милиони евра во текот на следните десет години.“– изјави Пал Заранди, директор за мобилни и 5Г стратегии во 4иГ.

Важноста на фреквенциите – „Кислород за телекомуникациите“

Фреквенциите се еден од најважните ресурси за телекомуникациските оператори. Пал Заранди ја нагласи нивната важност.

„Фреквенциите се суштински ресурс за телекомуникациските оператори – тие се како кислородот за овој сектор. Без пристап до фреквенции, невозможно е да се стане вистински значаен играч на пазарот.“ – објасни Пал Заранди, директор за мобилни и 5Г стратегии во 4иГ.

Со оваа изјава, Заранди објасни дека за да стане успешен играч, 4иГ мора да добие пристап до квалитетни фреквенции, што ќе им овозможи полесно и побрзо да изградат своја мрежа.

„Кога навлегуваме на нов телекомуникациски пазар, клучно е да добиеме поддршка и позитивен одговор од регулаторите и владата. Веруваме дека сме добредојдени во Македонија, што беше еден од првите важни чекори. Забележавме дека фреквенцискиот спектар е поволен, што претставува значајна можност за нас.“ – изјави Пал Заранди, директор за мобилни и 5Г стратегии во 4иГ.

4иГ со барање до АЕК – кога ќе бидат достапни услугите?

4иГ веќе поднела официјално барање до АЕК за добивање фреквенции за мобилна и фиксна телефонија. Процесот е долг и сложен, но според најавите на Заранди, можно е првите повици да се направат веќе следната година, под услов сите процедури да се завршат навреме.

„Ако процесот се одвива според очекувањата, постои можност првите повици да ги направиме веќе следната година. За да го постигнеме тоа, ќе ни треба поддршка од локални партнери кои ќе помогнат со инфраструктурата, базните станици и технолошката опрема.“ – нагласи Пал Заранди, директор за мобилни и 5Г стратегии во 4иГ.

Регистрација на „Оне Македонија Телекомуникејшн“ – новата компанија на 4иГ во Македонија

4иГ веќе ја регистрираше компанијата „Оне Македонија Телекомуникејшн“, која ќе биде надлежна за мобилните, фиксните и ТВ-услугите во Македонија. Ова значи дека 4иГ нема да се фокусира само на мобилната телефонија, туку ќе навлезе и во секторите за фиксна телефонија и ТВ услуги, што ќе го зголеми изборот за македонските корисници.

Како 4иГ успеа во Албанија и Црна Гора?

4иГ веќе е успешен телекомуникациски играч во Албанија и Црна Гора, каде што ги води телекомуникациските активности преку сопствени оператори.

„Нашите корисници продолжуваат да ги користат своите тековни пакети и истовремено ги уживаат сите предности на 5Г, како побрз интернет, пократко време на одѕив и поголема можност за истовремено поврзување на повеќе уреди.“ – изјави Брано Ѓуровиќ, извршен директор на ОНЕ Албанија.

„Во моментов, околу 65% од нашите корисници во Албанија се на припејд услуги, додека 35% користат постпејд пакети. Бројот на припејд корисници значително расте за време на туристичката сезона, бидејќи многу туристи користат припејд картички. Нашата цел е да ги префрлиме корисниците на постпејд услуги, пред сè, преку подобри понуди и поедноставување на процесот за плаќање.“ – објасни Брано Ѓуровиќ, извршен директор на ОНЕ Албанија.

Клучни факти за влезот на 4иГ на македонскиот пазар

• Кој е новиот оператор? – 4иГ е унгарска телекомуникациска компанија со активности во Албанија и Црна Гора.
• Колкава е инвестицијата? – 4иГ планира да инвестира 100 милиони евра во следните 10 години.
• Што ќе нуди? – Мобилни, фиксни и ТВ услуги.
• Кога ќе почнат услугите? – Првите услуги се очекуваат следната година, ако процесот за добивање фреквенции оди според планот.
• Како ќе влијае на пазарот? – Ќе донесе поголема конкуренција, поевтини цени и повисок квалитет на услугите.

Пазарните инспектори излегова на терен и вршат проверка на сегашните цени на производите што за три дена ќе се најдат во новогодишната кошничка. 

Целта на ваквите контроли, како што вели директорот на Државниот пазарен инспекторат Влатко Стојкоски е да се направи увид во цените на производите од новогодишната кошничка кои од 15 декември треба да бидат намалени.

Со ова, според ДПИ ќе се утврди дали по почетокот на акцијата, трговците ќе се придржуваат до иницијативата за акциско намалување на цените од најмалку 10 отсто на прехранбени производи кои најмногу се продаваат во текот на новогодишните празници.

Од друга страна, граѓаните не веруваат дека поевтинувањето ќе биде реално, стравуваат дека и овој пат производите ќе поскапат за потоа да поевтинат.

Најавената т.н. новогодишна кошничка ќе стартува на 15 декември и ќе трае до 15 јануари следната година и со неа се опфатени над 700 производи. Производите што ќе бидат опфатени со акцијата, во маркетите ќе бидат обележани со натписот „Помалку трошоци, повеќе за тебе“.

Од ДПИ велат дека во периодот додека трае новогодишната кошничка ќе има засилени контроли, но нема да има казнување, туку препораки.

Од инспекторатот велат дека доколку граѓаните забележат неправилности, може да ги пријават на бесплатниот телефонски број 191 или на веб-страницата www.dpi.gov.mk.

Во меѓувреме, Државниот завод за статистика го објави индексот на трошоци на живот за ноември, во кој се забележува поскапување на цените на производите и тоа за 2,1 проценти за храна и безалкохолни пијалаци.