Првиот заменик-премиер на Северна Македонија, Изет Меџити, во интервју за емисијата на Ррон Џиновци во Косово, упати жестока критика кон трансформацијата на Демократската унија за интеграција (ДУИ) и актуелното раководство на партијата.

„Бев дел од ДУИ од првиот ден, но тоа беше ДУИ на идеалите, на ОНА и на вложувањето на Албанците. Не ова денешно ДУИ, кое со умот на Артан се претвори во слуга на Сашо Мијалков и Никола Груевски, касапите на Албанците,“ изјави Меџити.

Тој го обвини актуелното раководство на ДУИ дека се оддалечило од интересите на САД и дека ја изгубило првичната визија. „Ова денешно ДУИ е антиамериканско, а тоа го докажува фактот дека половина од Европскиот фронт се на црните листи на САД,“ додаде тој.

Изјавите на Меџити отвораат прашања за политичката насока на ДУИ и нејзината позиција во однос на идеалите од минатото и стратешките меѓународни сојузници.

Согласно со Законот за празниците на Република Македонија (Сл.весник на РМ број 21/98 и 18/07) во 2025 година неработни денови се:

За сите граѓани на РСМ: 1 јануари (среда), Нова Година, 7 јануари (вторник), Божик, првиот ден на Божик според православниот календар, 30 март (недела), Рамазан Бајрам, првиот ден на Рамазан Бајрам, односно 31 март (понеделник) е неработен ден, 21 април (понеделник), Велигден, вториот ден на Велигден според православниот календар, 1 мај (четврток), Ден на трудот, 24 мај (сабота) „Св. Кирил и Методиј“- Ден на сесловенските просветители, 2 август (сабота), Ден на Републиката, 8 септември (понеделник), Ден на независноста, 11 октомври (сабота), Ден на народното востание, 23 октомври (четврток), Ден на македонската револуционерна борба, 8 декември (понеделник), “Св. Климент Охридски”.

За граѓаните од православна вероисповед: 6 јануари (понеделник), Бадник, ден пред Божик, 19 јануари (недела), Богојавление (Водици), 18 април (петок), Велики Петок, петок пред Велигден, 6 јуни (петок), Духовден, петок пред Духовден, 28 август (четврток), Успение на Пресвета Богородица (Голема Богородица).

За граѓаните од католичка вероисповед: 21 Април (понеделник), Велигден, вториот ден на Велигден, 1 ноември (петок), Празникот на сите светци, 25 декември (четврток), првиот ден на Божик. 

За граѓаните од муслиманска вероисповед: 6 Јуни (петок), Курбан Бајрам, првиот ден на Курбан Бајрам.

За граѓаните припадници на албанската заедница во РСМ: 22 ноември (сабота), Ден на албанската азбука.

За граѓаните припадници на српската заедница во РСМ: 27 јануари (понеделник), Свети Сава.

За граѓаните припадници на ромската заедница во РСМ: 8 април (вторник), Меѓународен ден на Ромите.

За граѓаните припадници на влашката заедница во РСМ: 23 мај (петок), Национален ден на Власите.

За граѓаните припадници на еврејската заедница во РСМ: 2 октомври (четврток), Јом Кипур, првиот ден на Јом Кипур.

За граѓаните припадници на бошњачката заедница во РСМ: 28 септември (недела), Меѓународен ден на Бошњаците.

За граѓаните припадници на турската заедница во РСМ: 21 декември (недела), Ден на настава на турски јазик.

Измената на Законот за заштита на децата ја помина собраниската процедура, а со тоа започнува процесот на полагање за лиценци за работа во установите за деца.
Имено, од месец октомври 2023 година не се спроведува стручниот испит за стекнување на лиценца за работа во установите за деца, испит кој се однесува на сите кандидати кои сакаат да се вклучат во системот за згрижување и воспитание на деца од предучилишна возраст.

Министерството за социјална политика, демографија и млади е надлежно за издавање на лиценците за работа и тоа: лиценца за стручен работник, за стручен соработник, за воспитувач, лиценца за негувател и лиценца за директор.

Лиценцата за работа кои ја добиваат лицата кои сакаат да се вклучат во системот за згрижување и воспитание за деца од предучилишна возраст е неопходен критериум, односно задолжителен услов кој истите мораат да го исполнат, односно без важечка лиценца за работа овие лица не можат да аплицираат за вработување во детските градинки, каде во моментов има најголема потреба од вработување на ваков кадар на државно ниво.

Измената на законското решение овозможува во исклучителни ситуации да се предвиди начин на кој ќе продолжи континуирано да тече процесот на полагање на испити за стекнување на лиценца за работа, односно со полагање на испитот во хартиена форма со времетраење до 01.01.2026 година.
Со измената на Законот се утврдува дека лиценцата за работа се издава на македонски јазик и неговото кирилско писмо и на јазикот што го зборуваат 20% од граѓаните на Република Северна Македонија и неговото писмо, како и дека испитот за стекнување на лиценца за работа се полага на македонски јазик и неговото кирилско писмо и на јазикот што го зборуваат 20% од граѓаните и неговото писмо.
Со овој Закон се менува називот на Министерството за труд и социјална политика, името на министерот и називот на Државната комисија за одлучување во управна постапка и постапка од работен однос во втор степен, согласно Законот за изменување и дополнување на Законот за организација и работа на органите на државната управа (Службен весник на Република Северна Македонија број 121/2024).