Никола Тесла е без сомнение еден од најгенијалните умови во историјата, најпознат по неговиот придонес во развојот на наизменичната струја и бројните други иновации.
Но, што го правело Тесла толку продуктивен? Дали постоеле некои навики кои му помагале да ја зголеми својата продуктивност? Според некои истраќувања, Тесла често спиел само два часа, но постојат три клучни навики кои го одликувале:
Размислување пред дејствување
Тесла често велел дека не правел нацрти пред да започне со работа. Наместо тоа, тој целосно ја замислувал машината во својата глава. Неговата методологија за креативно размислување вклучувала опуштање и ментално работење на идеите. „Мојот метод е различен. Јас не брзам со работата. Кога ќе добијам идеја, веднаш започнувам да ја изградувам во својата имагинација,“ напишал Тесла. Тој верувал дека тестирањето во главата е исто толку ефективно како и практичното тестирање во работилницата.
Прошетки за инспирација
Познато е дека кратките прошетки имаат позитивен ефект врз креативноста. Тесла редовно шетал, а токму на тие прошетки ги добивал некои од најзначајните идеи, вклучувајќи ја онаа за наизменичната струја. Во 1881 година, додека шетал низ Будимпешта и рецитирал поезија, Тесла имал “еурека” момент за своето откритие.
Работење во осаменост
Тесла ја истакнувал важноста на самотијата за иновација. Тој верувал дека креативноста и оригиналноста се раѓаат во осаменоста, далеку од надворешни влијанија. „Умот е поостар и поконцентриран во самотијата. За размислувањето не се потребни лаборатории. Оригиналноста доаѓа од самотијата,“ велел Тесла. Тој сметал дека тоа е тајната на успехот за иноваторите.
Тесла ги следел овие навики и тие играле важна улога во неговите големи достигнувања.
