Вечерва во кафуле во Штип се случил вооружен напад во кој едно лице е повредено. Според неофицијални информации за 24 Инфо, напаѓачот по инцидентот избегал со возило марка BMW. Очевидци велат дека тој излегол од кафулето и набрзо заминал во непознат правец.
Возилото било забележано кај патарината Миладиновци, каде што напаѓачот не застанал на „стоп“ знак на почивијата, ја пробил рампата, и продолжил да вози со голема брзина. Полицијата реагирала веднаш и отворила оган кон возилото во обид да го запре.
Истото BMW, кое очигледно е оштетено и истунбано, е пронајдено пред влезот на ТИР-зоната во Миладиновци. Засега нема информации дали напаѓачот е фатен или се уште е во бегство.
Повреденото лице од кафулето е префрлено во болница, а неговата здравствена состојба засега не е позната.
Полицијата работи на расветлување на случајот и деталите се очекуваат по официјалната изјава од МВР.
Видеото може да го погледнете тука
