Дизелот поскапува: Ова се новите цени на горивата во Македонија

Поскапува дизелот, бензините со непроменета цена

Регулаторната комисија за енергетика (РКЕ) ги објави најновите малопродажни цени на горивата, кои стапуваат на сила од утре.

Според одлуката на РКЕ, цената на ЕУРОДИЗЕЛ се зголемува за 1 денар и ќе изнесува 66 денари за литар. Истовремено, екстра лесното масло за домаќинство исто така поскапува за 1 денар и ќе се продава по цена од 68,5 денари за литар.

Цената на мазутот се зголемува за 0,6 денари и ќе изнесува 38,5 денари за килограм.

Цените на бензините остануваат непроменети:

ЕУРОСУПЕР БС-95 ќе се продава за 74,5 денари за литар,

ЕУРОСУПЕР БС-98+ останува на ниво од 76,5 денари за литар.

Од Регулаторната комисија соопштуваат дека промените се резултат на движењата на цените на нафтените деривати на светските берзи.