Рио де Жанеиро го враќа законот за добивање бонус за полицајците кои убиваат криминалци

Градските власти на Рио де Жанеиро усвоија закон со кој полицајците ќе бидат наградувани со бонуси од 10 до 150 проценти од платата за акции што резултираат со заплена на тешко оружје или со „неутрализација“ на криминалци.

Мерката предизвика жестоки реакции кај организациите за човекови права, кои предупредуваат дека ваквата политика директно го поттикнува насилството. „Ова го претвора убивањето во јавна политика,“ изјави левичарскиот пратеник Енрике Виеира.

Слична практика постоела и од 1995 до 1998 година, но била укината поради драматично зголемување на бројот на загинати полицајци.

Законот е дел од реформата на цивилната полиција, одговорна за истрагите, за разлика од воената полиција. За да стапи во сила, потребно е да го потпише гувернерот Клаудио Кастро, близок сојузник на поранешниот претседател Жаир Болсонаро.