Претседателот на САД, Доналд Трамп, изјави дека е оптимист и дека мировен договор за прекин на војната меѓу Русија и Украина може да биде постигнат во блиска иднина.
Во обраќање пред новинарите во Овалната соба, Трамп посочи дека двете страни, според неговите проценки, значително се доближиле до решение, иако не откри конкретни детали за текот на разговорите. Изјавата ја пренесе агенцијата Ројтерс.
Трамп додаде дека евентуалните преговори меѓу Москва и Киев би можеле да се водат и без директно учество на специјалниот пратеник на САД, Стив Виткоф, како и без неговиот зет, Џаред Кушнер, оставајќи отворена можност за поинаков формат на дипломатски ангажман.
