Утрово возачите што патуваат на релацијата Тетово – Скопје треба да бидат внимателни поради намалена видливост, која на одредени делници достигнува и до 100 метри. На Попова Шапка врнежи од снег со среден интензитет моментално не ја загрозуваат проодноста, додека на планинскиот превој Пресека се регистрираат слаби врнежи од дожд и снег, познати како лапавица.
Сите државни патишта се проодни, но коловозите се влажни, а возачите се советуваат на возење прилагодено на условите. Сообраќајот надвор од градовите е умерен, а на граничните премини нема подолги чекања за влез и излез од државата.
Авто-мото сојузот на Македонија (АМСМ) предупредува на внимателно управување со возилата, особено на патиштата низ котлините, речните долини и клисурите каде постои ризик од одрони. Особено внимание се советува на делниците Катланово – Велес, Маврово – Дебар – Струга, Виница – Берово и Кочани – Делчево.
Возачите се повикуваат на почитување на сообраќајната сигнализација и прилагодена брзина, бидејќи времето на патиштата продолжува да биде непредвидливо, особено на планинските превои и високопланинските региони.
