Украинските медиуми објавија емотивно видео на кое е забележан моментот кога Иван Роман дознава дека неговиот син, по повеќе од три години, е ослободен од руско заробеништво.
Младиот украински војник бил заробен во 2022 година за време на борбите во близина на Вухледар, на истокот од Украина. Оттогаш, неговиот татко редовно присуствувал на секоја размена на воени заробеници, со надеж дека името на неговиот син ќе се најде на списокот на ослободени.
Според украинските медиуми, Роман постариот со години патувал на местата каде што се одвивале размените, заедно со други семејства на заробени украински војници. Таквите собири станале вообичаени секогаш кога ќе се појавеле информации за можни договори меѓу двете страни.
Денес, пораката што ја добил конечно ја потврдила надежта што не ја напуштил три години. „Бранителот е ослободен од заробеништво“, гласела кратката порака, по што следела силна и емотивна реакција на таткото, снимена со камера.
Видеото брзо се прошири на социјалните мрежи и предизвика бројни реакции, како симбол на долгото чекање и неизвесност со кои се соочуваат семејствата на воените заробеници во Украина.
Видеото може да го погледнете тука
…
