Д-р Рахул Јандиал, неврохирург и татко на три деца, споделува кои се најважните работи на кои родителите треба да внимаваат за здравјето на мозокот кај своите деца. Засновано на неговото дваесетгодишно искуство и напредокот во невронауката, Јандиал ги истакнува следните пет клучни принципи:
1. Исхрана што го храни мозокот
Јадиал советува редовно консумирање овошје и зеленчук, како и мрсна риба како лосос неколку пати неделно. Антиоксидансите и омега-3 масните киселини се основа за здрав развој на мозокот, без потреба од „чудотворни“ намирници.
2. Пауза од екраните
Наместо строго ограничување на времето пред телефон или таблет, тој препорачува период без екрани пред спиење. Децата на Јандиал не користат телефони еден до два часа навечер, што им овозможува мозокот да се опушти и да се подготви за квалитетен сон.
3. Рамнотежа меѓу обврски и забава
Важно е децата секојдневно да имаат и обврски и време за игра и забава. „Не сакам деца кои живеат само за цели, ниту такви кои само се забавуваат“, вели Јандиал, нагласувајќи дека психолошкиот развој зависи од рамнотежата помеѓу трудот и уживањето.
4. Учење нешто ново секој ден
Секојдневно семејство Јандиал споделува интересни стории, видеа или информации што поттикнуваат разговор. Овој ритуал стимулира мозокот и ја зајакнува семејната поврзаност.
5. Грижа за менталното здравје
Тинејџерскиот мозок е исполнет со интензивни емоции и недоволно стабилни врски. Родителите треба да бидат присутни, да слушаат и да им помогнат на децата да развијат здрави начини за справување со стресот, емоциите и влијанието на социјалните мрежи.
Јандиал потенцира дека најважната улога на родителот е поддршката – да се биде тука за детето, и кога е мирно и кога е збунето.
