Претседателот на Демократско движење и еден од лидерите на ВЛЕН, Изет Меџити, синоќа во Камењане оствари средба со структурите на Демократско движење – ВЛЕН, при што ја истакна силната организациска поставеност и поддршката од членството.
Меџити нагласи дека средбата се одвивала во атмосфера на масовно присуство, со значително учество на млади, жени и професионалци, што, според него, претставува јасен показател за енергијата и капацитетот на Демократско движење во рамки на коалицијата ВЛЕН.
Тој ги честиташе структурите за големата победа на локалните избори, потенцирајќи дека зајакнувањето на Демократско движење директно значи и зајакнување на ВЛЕН. Меџити истакна дека со обединувањето на ВЛЕН во еден политички субјект, коалицијата се трансформира во единствена политичка сила со широка поддршка и присутност на целата територија на државата.
Според него, ваквиот процес е клучен за натамошно јакнење на политичкото дејствување и за создавање обединета и стабилна платформа насочена кон реалните потреби на граѓаните.
…
