Охридскиот регион, како светско културно и природно наследство со исклучителна универзална вредност, останува врвен национален приоритет. На средба во седиштето на УНЕСКО во Париз со Кондкер Мохамад Талха, претседател на 43-та сесија на Генералната конференција на УНЕСКО, вицепремиерот и министер за транспорт и врски Александар Николоски, заедно со колегите министри, ги презентираше заложбите на Владата за заштита и одржливо управување со регионот.
Николоски нагласи дека мисијата е Охрид и охридското крајбрежје да се зачуваат како еден од најзначајните културно-историски простори во Европа и светот, со конкретни мерки за заштита на природните и културните вредности и почитување на меѓународните стандарди на УНЕСКО.
