Американскиот државен секретар, Марко Рубио предупреди дека по триумфот во Студената војна САД паднале во опасна илузија. Тој истакна дека тогашниот оптимизам довел до верување дека светот влегува во „крај на историјата“, каде секоја нација ќе стане либерална демократија и границите ќе исчезнат, а луѓето ќе станат „граѓани на светот“.
Рубио оцени дека оваа идеја била наивна, игнорирајќи ја човечката природа и лекциите од повеќе од 5.000 години запишана човечка историја. Според него, реалноста покажува дека конфликтите и националните интереси остануваат суштински фактори во глобалната политика.
