Драматичен инцидент се случил во Италија, каде израелски турист бил уапсен откако се обидел да грабне дете директно од рацете на неговата мајка во трговски објект.
Според информациите на италијанските медиуми, осомничениот се приближил до жената на излезот од објектот и се обидел насилно да го земе детето, но мајката успеала да го задржи. Инцидентот бил забележан од обезбедувањето и од други лица кои веднаш реагирале.
Полицијата брзо пристигнала на местото и го привела осомничениот, кој подоцна бил уапсен под сомнение за обид за киднапирање.
Видео од настанот, снимено од безбедносни камери, се прошири на социјалните мрежи и предизвика силни реакции кај јавноста.
Италијанските власти водат истрага за мотивите на напаѓачот и околностите под кои се случил инцидентот.
