Градоначалникот на Прилеп, Дејан Проданоски, оствари работна средба со претставници на MATTO (Стопанска комора на Македонија-Турција), каде се разговараше за продлабочување на економската соработка и можностите за нови инвестиции.
На средбата, Проданоски ги презентирал потенцијалите на општината, нагласувајќи дека Прилеп е стабилна и подготвена деловна средина, која нуди јасна поддршка за сериозни инвеститори и е насочена кон развој на нови партнерства и заеднички проекти.
Тој истакнал дека ваквите директни контакти со бизнис-заедницата се клучни за привлекување нови инвестиции, отворање работни места и поттикнување на економскиот развој на градот.
Проданоски упати благодарност до комората за поканата и можноста за промоција на Прилеп, како и до претседателот Ајдован Адемоски за, како што наведе, отвореноста и подготвеноста за унапредување на заедничката економска соработка.
…
