Европскиот нискобуџетен превозник Рајанер објави драстични намалувања на своите линии за 2026 година, кои ќе го погодат транспортот на милиони патници. Според најавите на компанијата, укинувањето на околу три милиони седишта најмногу ќе го одрази воздушниот сообраќај во помалите градови, каде што опциите за летови веќе се ограничени.
Поради растечките аеродромски такси и дополнителните даноци за воздухопловство, компанијата ќе укине 24 линии и речиси 800.000 седишта во Германија. Некои аеродроми како Хамбург и Берлин ќе ја почувствуваат промената најсилно, додека операции во градови како Лајпциг и Дортмунд остануваат суспендирани уште една година. Германскиот пазар, кој сè уште се опоравува по пандемијата, се смета за еден од најслабо закрепнатите во Европа.
Уште поголеми кратења ќе има во Шпанија. Рајанер ќе намали над 2 милиони седишта во комбинација со зимскиот и летниот ред на летање, ги суспендира сите летови кон Астурија и Виго и ја затвора базата во Сантијаго де Компостела. Причината е спор со локалниот оператор Aena и повисоки такси.
Франција, Белгија и Португалија исто така ќе почувствуваат намалување на воздушниот сообраќај, со поради повисоки даноци и нови такси, особено во Брисел, Шарлероа и на Азорските Острови. Во Франција, Рајанер веќе го прекина работата на аеродромот во Клермон-Феран.
Балканските пазари не се изземени. Во Бања Лука, бројот на летови кон Виена, Меминген и Баден-Баден се намалува на третина, а во Ниш се укинуваат линиите кон Виена и Малта. Компанијата дел од капацитетот го пренасочува кон пазари со пониски оперативни трошоци, како Хрватска, Италија и Шведска.
Рајанер нагласува дека линиите би можеле да се вратат доколку владите го намалат даночно-тарифниот товар, истакнувајќи дека сегашните високи трошоци ја ограничуваат поврзаноста и туристичките потенцијали на повеќе европски држави.
