Жителите на неколку скопски општини денеска ќе се соочат со привремени прекини во снабдувањето со електрична енергија поради најавени интервенции во дистрибутивната мрежа на ЕВН Македонија, соопшти Регионален центар за управување со кризи – Скопје.
Најдолг прекин ќе има во општина Центар, каде што од 8:30 до 14:00 часот без струја ќе останат домаќинствата на дел од улицата „Христо Смирненски“, поточно од број 19 па сè до излезот кон булеварот „Партизански Одреди“. Во истиот временски интервал, прекин ќе почувствуваат и деловни и индустриски капацитети во општина Бутел – објектите лоцирани на булеварот „Босна и Херцеговина“, меѓу кои фурната „Диме“, поранешните магацини „Центро“ и поранешната фабрика ИГМ.
Краткотраен, едночасовен прекин е најавен и во општина Карпош. Од 8:40 до 9:40 часот без електрична енергија ќе бидат дел од жителите на улицата „Козле“.
Од ЕВН Македонија апелираат граѓаните и компаниите навремено да ги прилагодат своите дневни обврски и деловни активности.
