Денеска во село Петршино се спроведе акција за чистење на дивите депонии, како дел од пошироката еко-иницијатива на Општина Пробиштип.
Следната локација за чистење ќе биде село Турско Рудари, а потоа акциите ќе продолжат и во сите останати населени места во општината.
„Чиста и здрава околина е обврска на сите нас. Да ја сакаме и негуваме животната средина“, порачаа од Општина Пробиштип, истакнувајќи дека ваквите активности се дел од долгорочната стратегија за зачувување на природата и подобрување на квалитетот на живот на граѓаните.
