Општината Сарај упатува сериозно предупредување до сите жители, туристи – локални и странски – како и до организациите кои планираат активности во кањонот Матка. Врз основа на последната одлука на Дирекцијата за заштита и спасување од 19 февруари 2026 година, се укажува на зголемена опасност од одрони на камења по патеката.
ДЗС веќе постави соодветни знаци на критичните точки за да ги сигнализира опасните места, но властите апелираат на внимателно движење и строго почитување на мерките за безбедност.
„Секој што ќе ја игнорира забраната или предупредувањата и ќе се најде во несреќа, сам носи одговорност за последиците“, истакнуваат од општината.
