Американскиот министер за одбрана Пит Хегсет најави дека денес, 10 март, ќе се изведе најинтензивниот бран воздушни напади врз Иран од почетокот на конфликтот, со најмногу борбени авиони, бомбардери и операции досега.
Хегсет истакна дека интензивните напади веќе дале резултати, значително намалувајќи ги иранските ракетни и беспилотни капацитети, додека Иран во последните 24 часа испукал најмалку ракети од почетокот на војната.
Американскиот министер нагласи дека САД нема да се впуштат во долготрајна војна како во Ирак. „Ова не е 2003 година. Нашата генерација војници нема да дозволи тоа да се повтори“, рече Хегсет, додавајќи дека Вашингтон нема да учествува во „бесконечно градење на нации“ и „мочуриштата“ кои ги одбележале претходните администраци.
На крајот од своето обраќање, Хегсет се осврна на жртвите од конфликтот, спомнувајќи дека уште еден американски војник бил убиен по иранските одмазднички напади. Министерот го заврши говорот со стих од Библијата: „Благословен да е Господ, карпа моја. Тој ги вежба рацете мои за војна, а прстите мои за битка. Тој е карпа моја, тврдина моја, избавител мој и штит во кого се засолнувам.“
Хегсет најави дека нападите врз Иран ќе продолжат и во наредните денови од конфликтот.
