Градоначалникот на Прилеп, Дејан Проданоски, денеска одржа брифинг средба со претставници на медиумите, на која заедно со директорите на јавните претпријатија и општинските установи се разговараше за актуелните теми поврзани со работењето на локалната самоуправа.
Како што истакна Проданоски, транспарентноста и отворената комуникација со јавноста претставуваат основа за градење доверба со граѓаните. На средбата биле опфатени тековните активности, реализираните проекти, како и предизвиците со кои се соочува Општина Прилеп.
Целта на ваквите брифинзи, според градоначалникот, е преку медиумите граѓаните навремено да добиваат проверени, точни и официјални информации.
„Информираните граѓани се наш најважен партнер во развојот на општината“, посочи Проданоски, додавајќи дека ваквиот транспарентен пристап ќе продолжи и во иднина.
.
