Иранскиот остров Харк, клучно место за извоз нафта, беше погоден во повеќе напади, јавува иранската новинска агенција Mehr.
Островот претставува главно чвориште преку кое минува поголемиот дел од иранскиот извоз на енергенси. САД претходно веќе извршиле напади на Харк за време на војната, но тогаш претседателот Доналд Трамп нагласи дека не е погодена нафтената инфраструктура.
Трамп повеќепати се закануваше со можно преземање контрола над островот за да САД ја надгледуваат испораката на иранската нафта. Нападот на островот се случи само неколку часа пред истекот на ултиматумот што го постави Трамп.
Девет од десет барели нафта што Иран ги извезува во странство се товаруваат токму на островот Харк. Нафтениот терминал има капацитет од седум милиони барели сурова нафта дневно. Поради плиткото крајбрежје, Харк е единственото место каде огромни танкери можат да пристанат покрај долгите кејови за да ја преземат нафтата која преку подморски цевководи пристигнува од најголемите ирански нафтени полиња. Ова го прави островот најлесна, но и најопасна цел во регионот.
US airstrikes targeting shelters and defensive facilities on Iran's Kharg Island. pic.twitter.com/TwEju51MLN
— Iran's Today (@Iran) April 7, 2026
…
