Дали навистина може да се преживее со само едно евро дневно? Популарниот јутјубер Џош Ларкин од каналот The Burnt Chip реши да го тестира токму тоа – и резултатите ги оставија сите без зборови.
Во обид да провери дали Пакистан навистина е најевтината земја за живеење, Ларкин отпатува во Карачи – најголемиот град, главното пристаниште и финансиски центар на државата. Таму, тој размени една британска фунта (околу 1,2 евра) за 400 пакистански рупии и си постави предизвик: да преживее цел ден со тие пари.
Неговото патување започна со освежување – традиционалниот уличен пијалок дудт, направен од млеко, шеќер, мраз и сода, за само 30 рупии. За ручек, се почести со биријани – ароматично јадење од ориз, компири и пилешко, а потоа освежувањето го заокружи со Pepsi, која чинеше околу 30 центи. Вечерата не заостануваше – уживаше во морска храна за слична сума.
Но, искуството не беше само гастрономско. Ларкин се возеше со тук-тук, проба јавање камила и присуствуваше на необичен уличен перформанс со танц на змии. За автобуски билет плати неверојатни три центи.
Додека истражуваше низ градот, откри и дека месечната кирија за стан во Карачи изнесува околу 50 британски фунти (приближно 60 евра) – цена која е и до десет пати пониска од онаа во многу европски метрополи.
Неговото видео, кое веќе има речиси 4 милиони прегледи на YouTube, отвора прашање: дали ова навистина е најевтиниот начин на живот – или само илузија од кратка авантура?
Погледнете што сè доживеа, вкуси и искуси Џош Ларкин во Карачи – за малку повеќе од едно евро дневно.
