Сериозна сообраќајна незгода се случи предмалку на скопската обиколница, непосредно пред исклучувањето за Приштина. Камион се превртел на патот, што предизвика отежнато одвивање на сообраќајот на оваа делница.
Екипи на Министерството за внатрешни работи веќе пристигнаа на местото на настанот и вршат увид.
Во овој момент, сè уште нема официјални информации за причините кои довеле до превртувањето на тешкото возило, ниту дали има повредени лица во несреќата.
