Полициски службеници од СВР Тетово вчера лишиле од слобода 15-годишник од село Желино, постапувајќи по пријава истиот ден во 16:40 часот од Клиничка болница Тетово дека кај нив биле донесени А.К. (19) и М.А. (18) со повреди од остар предмет.
-По преземени мерки, утврдено е дека тие пред средно училиште во Тетово биле нападнати со остар предмет од 15-годишникот, кој исто така се здобил со повреди, вели портпаролот на СВР Тетово, Фатмир Реџепи.
Извршен бил увид на местото на настанот и при тоа пронајдени се нож и штрафцигер.
Известен бил и јавен обвинител и по документирање на случајот ќе следува соодветен поднесок.
