ОВР Кавадарци поднесе кривична пријава против пет лица, тројца државјани на Непал и двајца на Индија, сите со престој во Кавадарци, поради сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.
Како што информираат од полицијата, пријавени се Б.К.Д. (27), С.М.П. (40) и Т.С.Д. (44) од Непал, како и Р.К. (33) и Ј.А. (27) од Индија.
Според наводите, во пријавеното престојувалиште тие неовластено држеле и одгледувале марихуана, која била откриена при полициска акција спроведена во текот на јуни 2025 година.
По целосно документирање на случајот, против нив ќе се води соодветна постапка.
…
