Полициски службеници од СВР Тетово вчера го лишиле од слобода 66-годишниот А.А. од Тетово, откако бил пријавен дека подолг период следел и вознемирувал 51-годишна жена од градот.
Според информациите од полицијата, случајот бил пријавен на 11 мај околу 14:10 часот на улицата „Љуботенска“ во Тетово. Осомничениот, од почетокот на 2025 година, наводно ја следел жената и ѝ испраќал пораки со несоодветна содржина поврзани со нејзиниот приватен живот.
Лицето било задржано во полициска станица, а по целосно документирање на случајот против него ќе биде поднесена соодветна пријава.
…
