Градоначалникот на Прилеп, Дејан Проданоски, денеска присуствуваше на одбележувањето на денот на осветувањето на црквата „Света Петка“ во Ново Лагово, каде заедно со жителите, гостите и пријателите беше одбележан празникот.
Проданоски истакна дека ваквите празници имаат големо значење за зачувување на традицијата, духовноста и меѓусебната поврзаност меѓу граѓаните.
„Убаво е да се види како традицијата живее низ генерациите. Празниците се токму за тоа – да нè зближат, да донесат мир во домовите и заедно да ни дадат сила да чекориме напред кон поубава иднина“, порача Проданоски.
Тој упати честитки до жителите на Ново Лагово, посакувајќи Света Петка да донесе здравје, среќа, бериќет и благосостојба во секое семејство.
„Нека Света Петка биде наш заштитник и нека донесе благосостојба за сите жители на Ново Лагово. За многу години денот“, истакна градоначалникот.
….
