Министерот Бесар Дурмиши по денешниот протест на студентите порача дека проблемот со полагањето на правосудниот испит на албански јазик потекнува од времето кога ДУИ била на власт, обвинувајќи ја партијата за долгогодишна манипулација со ова прашање.
Според Дурмиши, студентите денес протестирале против неправда која, како што рече, постоела со години, бидејќи правосудниот испит никогаш не се одржувал на албански јазик.
Тој истакна дека протестот е демократско право, но обвини дека одредени политички структури се обидуваат да го злоупотребат.
„На протестот денеска без срам се појавија и двајцата главни виновници што правосудниот испит не се одржува на албански – Муса Џафери и Блерим Беџети“, изјави Дурмиши.
Тој додаде дека Владата веќе работи на решавање на проблемот и посочи дека денеска во Владата се одржал состанок меѓу премиерот Христијан Мицкоски и лидерите на коалицијата ВЛЕН.
„Студентите побараа правосудниот испит да биде на албански, а ние работиме сите професионални испити да бидат и на албански јазик. Многу брзо испитите ќе бидат и на албански“, порача Дурмиши.
Тој упати апел студентите да не станат, како што рече, жртви на политички манипулации и нагласи дека институциите веќе го презеле решавањето на ова прашање.
…
