Малолетник бил нападнат и ограбен на булеварот „Партизански одреди“ во скопски Центар, откако четири лица со закана му одзеле електричен тротинет.
Според информациите од МВР, случајот во СВР Скопје го пријавил И.Г.(58) од село Кондово, скопско, кој навел дека инцидентот се случил на 22 мај околу 21:15 часот.
При нападот, едно од лицата физички го нападнало неговиот малолетен син, по што му бил одземен тротинетот.
Полицијата презема мерки за расчистување на случајот и пронаоѓање на сторителите.
