Градоначалникот на Општина Пробиштип, Тони Тоневски, присуствуваше на меморијалниот турнир во риболов на браната Пишица, организиран во чест на Љубиша Дуковски – Бомба, кој важи за еден од најголемите спортски риболовци во историјата на Пробиштип.
Тоневски упати благодарност до организаторот СРД „Злетовица“ и до семејството на Дуковски за поканата и можноста да биде дел од настанот.
„Голема благодарност до организаторите и до членовите на семејството на Љубиша Дуковски – Бомба за поканата и можноста да бидам дел од овој прекрасен настан“, истакна Тоневски.
Тој им честиташе на сите учесници кои придонеле за успешна реализација на турнирот, како и на најуспешните риболовци кои освоија награди.
Меморијалниот турнир се одржа во спортски и пријателски дух, со цел да се зачува споменот на Љубиша Дуковски – Бомба и неговиот придонес во спортскиот риболов во Пробиштип.
…
