Детската дебелина станува сè поголем јавно-здравствен проблем во Македонија. Според податоци од Институтот за јавно здравје и Клиниката за детски болести, над 30% од децата на возраст од 6 до 9 години имаат зголемена телесна тежина, а околу 14% се со екстремна дебелина.
Поради ова, на Клиниката за детски болести е отворен Центар за менаџирање и третман на детска обезност. Во центарот ќе работат педијатри, ендокринолози, нутриционисти, психолози и физијатри, со цел сеопфатен пристап кон проблемот. Стручњаците предупредуваат дека дебелината во детството го зголемува ризикот од дијабетес тип 2, срцеви заболувања, висок крвен притисок и психолошки проблеми.
Пристапот до центарот ќе биде преку „Мој Термин“ со упат од матичен лекар или педијатар. Центарот има цел рано откривање, превенција и индивидуален третман на децата со прекумерна тежина.
…
