Шеесетото јубилејно издание на Македонскиот театарски фестивал „Војдан Чернодрински“ започнува вечерва во 19 часот во Прилеп со изложба „60 години Војдан Чернодрински – Прилеп“, а фестивалот ќе трае до 12 јуни.
Отворањето вклучува хибридна изложба која преку фотографии, документи и артефакти ја прикажува историјата на фестивалот, како и перформативни содржини во изведба на студенти од ФДУ. Изложбата ќе се одвива како патека низ повеќе локации во градот, завршувајќи во Центарот за култура „Марко Цепенков“.
Свеченоста продолжува во 20 часот со претставата „Мачкина глава“ на Драмскиот театар – Скопје, во режија на Дејан Пројковски. Пред почетокот ќе биде прикажан документарен филм, а ќе се обратат претставници на државата и фестивалот.
Годинашното издание се одржува под мотото „Храбриот нов театар“, со 13 претстави во официјалната и придружната програма. Фестивалот ќе заврши со гостување на Београдското народно позориште со претставата „Црно злато“.
…
