Белгија – Сериозен безбедносен скандал ја потресе НАТО. Канадска државјанка која стажирала во највисоката воена команда на Алијансата е уапсена во Белгија под сомнение за шпионажа.
Информацијата ја потврдија белгиските федерални обвинители во саботата. Според официјалното соопштение, девојката се товари за две кривични дела: шпионажа во корист на трета држава и членување во криминална организација.
Истражителите засега не откриваат дополнителни детали за идентитетот на осомничената, ниту за земјата за која наводно шпионирала. Нејзиното име не е објавено со цел да не се загрози истрагата.
Познато е дека осомничената работела како стажантка во Врховната команда на сојузничките сили во Европа (SHAPE), која е сместена во градот Монс, во јужна Белгија. Станува збор за едно од најчувствителните воени седишта на НАТО, од каде се координираат сите воени операции на Алијансата.
Истрагата е во тек, а обвинителството најави повеќе информации откако ќе бидат спроведени дополнителни истражни дејствија.
…
