Повеќе населени места во тетовскиот регион утре (23 јуни) ќе останат без електрична енергија поради планирани прекини во снабдувањето, информираат од електродистрибутивната мрежа.
Во Тетово, од 08:00 до 18:00 часот без струја ќе бидат објектите кои се наоѓаат во близина на маркетот Веро, спроти Спортскиот центар.
Од 09:00 до 14:00 часот прекин во снабдувањето ќе има во делови од селата Слатино, Непроштено, Сиричино и Фалише. Во Слатино без електрична енергија ќе остане дел од селото, во Непроштено делот кај салата, во Сиричино делот кај паркот, а во Фалише дел од селото во централното подрачје.
Исто така, од 09:00 до 14:00 часот без струја ќе биде и дел од улицата „Илинденска“ на излезот од Тетово кон Гостивар.
Дополнителен прекин е најавен и во Непроштено, каде дел од селото ќе биде без електрична енергија од 09:30 до 14:30 часот.
Од надлежните апелираат граѓаните навремено да ги планираат своите активности и да ги преземат потребните мерки поради најавените прекини.
…
