ЈКП „Водовод“ Битола реализира инвестиции од над 70 милиони денари во унапредување на водоводната инфраструктура во Општина Битола, со цел обезбедување поквалитетно, постабилно и посигурно водоснабдување за граѓаните.
Директорот на претпријатието, Андреј Гинов, истакна дека средствата се насочени кон изградба и реконструкција на водоводната мрежа, со што значително се подобруваат техничките услови и се намалуваат загубите во системот.
„Со реализација на повеќе проекти за изградба и реконструкција на водоводната мрежа, обезбедуваме поквалитетно и посигурно водоснабдување. Продолжуваме со инвестиции во современа и одржлива инфраструктура која ги подобрува условите за живот за сите корисници“, изјави Гинов.
Од „Водовод“ Битола најавуваат дека инвестициите ќе продолжат и во наредниот период, со фокус на модернизација на системот и подобрување на услугите кон граѓаните.
…
