Градоначалникот на Битола, Тони Коњановски, денеска во својот кабинет оствари средба со новиот генерален конзул на Република Бугарија во Битола, Петар Петров.
На средбата, Коњановски го запознал конзулот со личната карта на градот, како и со богатата историја, култура и традиции на Битола.
Во разговорите биле разменети мислења за продлабочување на соработката меѓу двете страни, со посебен акцент на економијата и можностите за нови инвестиции, развој на туризмот, како и зајакнување на културната размена и други области од заеднички интерес.
