Две млади лица се повредени во сообраќајна несреќа со четирицикл што се случила во тетовско, при што едното лице е пренесено на понатамошно лекување во Скопје.
Според информациите од Министерството за внатрешни работи, на 05.07.2026 година во 21:24 часот во СВР Тетово, од Клиничката болница Тетово било пријавено дека за укажување лекарска помош биле донесени две лица повредени во сообраќајна незгода.
Полициски службеници од Полициската станица за безбедност на патниот сообраќај Тетово извршиле увид и утврдиле дека на патот кај селото Лисец, четирицикл управуван од Ф.М. (20) од селото Пирок, со сопатник А.Х. (19), излетал од коловозот.
Во несреќата, возачот Ф.М. се здобил со тешки телесни повреди и поради сериозноста на состојбата е префрлен во Комплексот клиники „Мајка Тереза“ во Скопје, додека сопатникот А.Х. се здобил со телесни повреди.
Од МВР информираат дека се преземаат мерки за целосно расчистување на случајот.
