Во текот на ноќта во Тетово било пукано со огнено оружје кон објект на приватна фирма, при што биле предизвикани материјални оштетувања.
Како што информираат од СВР Тетово, на 17 јули 2026 година во 08:45 часот, А.С. (42) од Тетово пријавил дека непознати сторители пукале кон објектот на неговата фирма.
Увидна екипа на СВР Тетово излегла на местото на настанот, каде што пронашла 11 чаури од испукани куршуми. При увидот било констатирано оштетување на објектот, како и на повеќе возила.
Полицијата презема мерки и активности за расчистување на случајот и откривање на сторителите.
