Сообраќајна несреќа попладнево се случила на патниот правец меѓу селата Ботун и Мешеишта, при што патничко возило се превртело на коловозот.
По несреќата, на оваа делница се создал застој, а сообраќајот во моментов се одвива отежнато во двата правци.
Засега нема официјални информации за тоа како дошло до несреќата, ниту е потврдено дали во инцидентот има повредени лица.
Возачите кои се движат по овој патен правец се советуваат да возат внимателно и да ја приспособат брзината поради отежнатото одвивање на сообраќајот.
Повеќе детали за несреќата се очекуваат по завршувањето на увидот.
