Поради дефект на водоводна цевка ПВЦ Ф-160, денеска, 7 септември 2026 година, ќе биде прекинато водоснабдувањето за дел од корисниците во Битола.
Од ЈКП „Водовод“ – Битола информираат дека без вода ќе останат корисниците од зградите „Ремо“, на улицата „Васко Карангелевски“ со броеви 64 и 85, како и објектот „Веро“.
Прекинот на водоснабдувањето ќе трае до завршување на активностите за санација на дефектот.
Од претпријатието посочуваат дека при изведувањето на работите можно е да дојде до оштетување на велосипедската патека. По завршувањето на санацијата, патеката ќе биде вратена во првобитната состојба.
Од ЈКП „Водовод“ им се заблагодаруваат на граѓаните за разбирањето.
…
