Тони Тоневски истакна дека Меѓународната Лесновска ликовна колонија претставува едно од најзначајните културни случувања во Пробиштип, кое со години ги обединува уметниците и го промовира културното наследство на Лесново.
Тоневски информираше дека ја посетил овогодишната колонија и остварил средби со учесниците, при што разговарал за нивната инспирација и творечкиот процес. Според него, уметниците инспирирани од духовноста и природните убавини на Лесново создаваат дела со трајна уметничка и културна вредност.
Тој нагласи дека Лесновската ликовна колонија претставува повеќе од уметнички настан, бидејќи таму се поврзуваат различни култури, се разменуваат идеи и се градат пријателства преку уметноста.
„Останувам цврсто посветен на поддршката на културата и уметноста, затоа што тие се еден од најважните столбови на развојот на секоја заедница и значаен дел од нашиот идентитет“, порача Тоневски.
Тој им се заблагодари на сите учесници за нивниот придонес во збогатувањето на колонијата и истакна дека нивните дела ќе останат трајно сведоштво за креативноста и инспирација за идните генерации.
…
