Министерката за финансии Гордана Димитриеска-Кочоска денеска во Њујорк ќе учествува на работната сесија „Поттикнување на растот во новата економија“, во рамки на Sustainable Development Impact Meetings 2026, организирани од Светскиот економски форум.
Како што информира Димитриеска-Кочоска, на сесијата ќе се разговара за предизвиците и можностите за економски раст во новите глобални услови, со посебен фокус на инвестициите, енергетската сигурност, одржливоста и конкурентноста.
Според министерката, важно е Македонија да биде дел од глобалниот дијалог за политиките и економските процеси кои ќе го обликуваат растот во годините што следуваат.
Учеството на работната сесија, како што посочува Димитриеска-Кочоска, претставува можност за размена на искуства и ставови со меѓународни претставници и за следење на глобалните економски трендови.
…
